اخر ما كتبت على مدونتى الثانية
حيل الدفاع النفسى 2 يمكنك قرائته من هنا..

3/25/2010

حَتَّى يَطِيْر الْدُّخَان


- عارف بقاله قد ايه مش موجود
- بيقولو هايرجع في أول أربعة
- الموضوع أكيد فيه سهاينة اصل ولاد الكلب دول مش بيسيبوا حاجة تعدى كده
- وأنت مقضيها أيه..
- بانجو .
- ا.ا دا كيف زبالين ..مالها البيرة .
- الخمرا حرام ياعم

**************************

كَكُل الْأَشْيَاء الْجَمِيْلَة لَم يَسْتَمِر الْحَشِيْش ..كَكُل الْأَحْلَام رَحَل سَرَّا.. حَتَّى مَدِيْنَة الْحَشِيْش الَّتِي يَحْتَضِنُهَا الْبَحْر أَسْفَرَت عَن وَجْهِهَا الْقَبِيْح..أَضْحَى الْبِشْر لَا يَشْعُرُوْن بِالِاسْتِقْرَار كَمَن فَقَدُوْا ابَنَّهُم فِي زِحَام الْمَوْلِد كَمَن اجْبِرُوْا عَلَى الْتَّخَلِّي عَن رُجُوْلَتَهُم بِدُوْن أَن يُحَرِّكَوْا سَاكِنَا كَمَن بَاعُوْا قَضِيَّة الْأَقْصَى بِالْدُّعَاء لِلْمِنَّتُخِب ..مَن سَرَقَت مِنْهُم الْضِّحْكَة أَفَاقُوا عَلَى وَجْه الْعَالِم الْقَبِيْح.. الحُشَّاشُون يَشْعُرُوْن بِالْغُرْبَة يُحِسُّوْن بِأَن وَقْت الْهِجْرَة إِلَى هُوَلَنْدَا قَد حَان ..الْحَشِيْش الَّذِي كَانَت مِصْر تَحْتَل الْمُرَتِّبَة الْأُوْلَى فِي اسْتِهْلَاكِه وَتَورِيَدِه وَكَانَت لَنَا فِيْه الْرِّيَادَة- مُنْذ عَصْر الْرَّئِيْس الْمُؤْمِن-فِي يَوْم وَلَيْلَة أَضْحَى تَارِيْخا..لِيَضْرِب لَنَا الْنِّظَام عَلَى وِتْر الْكَيْف..لَنْتِعُلَم ان مَحَدَّش كَبِيْر عَلَى الْحُكُوْمَة..أَهَالِي الْمُثَلَّث فِي الْقَلْيّوبِيّة الْمَشَاهِيْر- كَوْم السِّمَن والجَعَافِرة وَأَبَوَالغَيط- اسْتَيْقَظُوا لِيَجِدُوْا أَنْفُسِهِم بِلَا حَشِيْشِهُم اهالَى الْشَّرْقِيَّة-بُلْبَيْس وَالإِبْرَاهِيْمّيّة-.. الْإِسْكَنْدَرِيَّة –الْقَصَعَى وَأَبُو سُلَيْمَان ..وَالسَّاحِل الْكَيِلُو 21 و26- اهالَى الْجِيْزَة -الْطَّالِبِيَّة وَكَفِّر الْجَبَل.. الْقَاهِرَة المُكَيِّفَة بِالْفِطْرَة .. الْصَّعِيْد وَجْه بَحْرِي.. الْوَادِى الْجَدِيْد... مُخَبَرو الْشُّرْطَة لِأَوَّل مَرَّة يَشْعُرُوْن بِأَنَّهُم بِلَا عَمَل..الِبانْجو صَدِيْق الْفَلَاح..ظَهَر مَرَّة أُخْرَى ..وَكَمَا يَشْتَعِل الْتَبْغ الْمَخْلُوط بِالْمَأْسَوف عَلَيْه .. اشْتَعَلَت نَار الْإِشَاعَات

**************************

-عارف فيلم الامبراطور..اهو دا الى بيحصل
- الموضوع انهم عيلتين كبار واحد منهم ضرب ابن الثانى بالنار فبيسلموا بعض والحكومه فرحانه
- الباشا الكبير اختلف مع العيال على النسبة بتاعتة فقفلهالهم
- ربنا يخليلنا الكمياء ..هى كمية ادويةبتاعت حد من الكبار لازم تخلص الاول..
- منه لله البرادعى هو السبب..مش عايزينها حكومة ديموقراطية ..الله يخرب بيتك يا برادعى
- السيول الى حصلت عملت ايه يا برنس غرقت المخازن الرئيسيه فالحشيش باظ وعلى ما كمية زى دى تيجى تانى هاتبقى مصيبة
- لا هى شدة وهتزول الريس قلبه طيب مش هايهون عليه دى تعليمات من غير علمه لعلمك
- فى حشيش بس عند الكبار ومش بيخرج لاى حد ..عايز سيجاره!!
- ولاد الكلب عايزين التسعيرة تترفع فبيدلعوا دى حركات سوق ..
**************************


مَا بَيْن الْحَشِيْش الْمَغْرَبِي الْقَادِم مِن الْصَّحْرَاء ..وَالْحَشِيْش الْبَلَدِي الْمُصَنَّع ذَاتِيّا ..مَا بَيْن الَى عِنْدَهُم بِنْت اسْمُهَا مَيّار و الّلِى عِنْدَهُم بِنْت اسْمُهَا سِت ابُوْهَا..مَا بَيْن الَى بِيِصْلِي الَأَحَّد وَالِي بِيِصْلِي الْجُمُعَة وَالْمُلْحِدِيْن وَالَى مُش فَارَقَه مْعَاهُم وَالرِغَايِين وَالَى مَلْهُمْش فِيْهَا الَى بيَشرَبُوه كَبّايّة وَالَى بِيُلِفُوه فِى سِيْجَارَة.. إِلَى بِيُشَجِعُوا مِصْر أَصْبَحُوْا بِدُوْن حَشِيْش .أُجْبِرَت أُمَّة عَن الْتَّخَلِّي عَن الْدُّخَان الْأَزْرَق ..بِلَا ذَنْب بِلَا سَبَب وَاضِح...لِذَا أَرْجُو مِن أَوْلَى الْأَمْر سُرْعَة الْتَّحْقِيْق مَع الْمَسْئُوْل عَن اخْتِفَاء الْحَشِيْش ..وَتَوْفيرُه ..بَل وَاتَمَادِى إِذ أَطْلُب مِنْهُم ان يُوَفِّرُوُه عَلَى بِطَاقَات الْتَّمْوِيْن لِلْمَوْلُوْد الْأُوَل وَالْثَّانِي وَالْثَّالِث لَا ميَتْكَيُفش......

مُحَمَّد الْغَزَالِي
الْقَاهِرَه ..مِصْر الْجَدِيّدَه
25/3/2010

هناك 4 تعليقات:

ما علينا يقول...

يااااااااااااه
مش مصدقة نفسي اني هنا يا غزالى

والله نشكر أزمة الحشيش اللى رجعتك هنا

الأزمة فعلا مسمعة والبلد على صفيح ساخن
واعتقد إن كدا الشعب ممكن يتحرك ويتهور
وعليه نطمن الشعب إن الحكومة اكيد هتتصرف وتحلها
انا سمعت ان الداخلية كان فيها شد جامد علشان أسعاره طلعت اوى

unknown يقول...

الاول صباح الخير
بس انا شايف ان الناس غلطانه فى حاجه واحده وهى فكرها ان الناس اللى بتحشش مش موجوده او مش فيقه او مش مفيده بل بالعكس انا واحد بقالى خمس سنين بس بحشش .عمر ما الحشيش ضرنى . الحشيش كان بيخلينى اسهر فى االشغل .عملت اعلى ارقام حد عملها فى مكتبنا من ساعه ما اتفتح مش انا اللى بقول كده دي التقارير ومرتبي اللى بيزيد والحمد لله شهر بعد شهر وخلانى -الحشيش- اكبر دملغى فى الموضيع الصغيره اللى بتوقع الاخوات فى بعضهاوعلاقتى معاهم زى الفل وكل يوم الصبح ببوس ايد ابويا وامى ربنا يخليهملى رغم ان بيتنا متدين جدا .بس بتعامل ..........
لكن المشكله فى الناس اللى هى اصلا غير مفيده ومش فى دماغهم اى حاجه مفيده وفى نفس الوقت بيحششوا دول كده كده مش مفيدين ليه بنعلق فشلهم او همجيتهم ع الحشيش . مينفعش .........
ونفسي ان كل واحد بيحشش يجرب شهر واحد ميقولش لحد انه بيحشش او انه دلوقتى محشش ,اشتغل وعيش حياتك وخلص دراستك وطور من نفسك وحشش بس الناس اللى احنا عيشين معاهم خلاص دخلت فى دماغهم افاكر صعب نتغير دلوقتى بس ممكن وربنا يوفق الجميع

ذو النون المصري يقول...

كل سنه و انت طيب

غير معرف يقول...

ثقافة الهزيمة.. أسكندرية ليه؟

مصر تركز فى الدعاية و التسويق السياحى بالخارج على السياحة فى البحر الأحمر و سيناء و الرحلات النيلية من القاهرة لأسوان ، و هناك تصور خاطئ بأن الأسكندرية هى للسياحة الداخلية بالأضافة لبعض السياح العرب خاصة من ليبيا و هذا فقط فى شهور الصيف، و عندما شاهدت درجات الحرارة بمدينة الأسكندرية طوال العام فهى حتى فى شهور الشتاء تتراوح ما بين 8 و 18 درجة مئوية ، و هى تعتبر دافئة بالنسبة لسائح من أوروبا فينبغى عمل تخطيط لجذب ملايين من السياح الأجانب على مدار العام للأسكندرية، سيما أن هناك مواسم أجازات فى أوروبا و أمريكا فى الشتاء يستغلها الكثيرين للسفر و السياحة.

الأسكندرية مدينة تاريخية و لا تقل بأى حال عن مدن اليونان و إيطاليا و هى تستحق الزيارة، الأسكندرية فقط بمفردها و بما بها من أمكانيات سياحية تحتاج فقط إلى تحسين فى البنية التحتية و زيادة الطاقة الفندقية مع التسويق الجيد ليزورها 10- 15 مليون سائح سنويا مثل دبى و سنغافورة...

باقى المقال ضمن مقالات ثقافة الهزيمة بالرابط التالى www.ouregypt.us