اخر ما كتبت على مدونتى الثانية
حيل الدفاع النفسى 2 يمكنك قرائته من هنا..

5/02/2009

ابن عروس عليه السلام والرحمه


ما بين الخيال والحقيقة يرقد هذا الرجل.....
بينما يصرخ الابنودى بانة خيالى...
ويرى مسعود شومان واخرون بانة حقيقى
وبان معظم مربعاتة كتبت فى العصر العثماني باللغه العامية ووصل إلينا اغلبها كأقوال مأثورة..او حكم ...
الحقيقة ان اغلب من تتبع سيرة ذلك الرجل لم يجنى سوى الحيرة ..فكاتب الابيات شخص ذكى وخفيف الظل ويشبة بطل الاسطورة على الزئبق.. لذلك فمن الطبيعى ان تظل شخصيتة مخفية ..لاحظ ان اغلب مربعاته نقلت الينا عن طريق الروايات (مدونة او شفاهية ) وامتدت اليها يد التغيير بالتاكيد فزادتها غموضاالرجل او الاسطورة ملك القلوب بكلمات ابسط من البساطه ..وتعبيرات ساخرة وقوية فى نفس الوقت..بشكل اذهل الجميع..كل من نقل حرفا او كلمة او ردد مثلا من اقوالة ساهم فى تكوين تلك الاسطورة .."ابن عروس "...اسم اصبح كافى حضورة ليبارك النص ... يكفى تبارك الابنودى به مثلا فى في أغنية مسلسل ذئاب الجبل (ولابد عن يوم معلومتترد فيه المظالمأبيض علي كل مظلومواسود علي كل ظالم)الرجل لم يقتصر شعرى على " فنون التربيع " وحسب ، بل اصبح يمثل واحة لكل هواة التغنى بالموال الشعبى بأنواعه .. اخرهم محمود سعد..(يا بت جملك هبشنى والهبشة جت فى العبايهفمن الحكم الى المثل الى الاغنية والموال الى آخر الأنواع الشعرية التى تبارى بها الرواة واضعين أسماءهم بتضائل أمام سحر الساحر ابن عروس ..علية الرحمة والسلام
مختارت من مربعات ابن عروس

ولابد من يـوم معلـوم
ترتــد فيـه المظـالم
ابيض على كل مظلـوم
واسـود على كل ظـالم

مسكين من يطبخ الفـاس
ويريد مـرق من حـديده
مسكين من يعاشر النـاس
ويـريـد من لا يـريـده

إوعى تقول للنـدل يا عـم
وان كان على السرج راكب
ولا حد خالى من الهم
حتى قلوع المـراكب

كيد النسا يشبـه الكى
من مكرهم عدت هارب
يتحزمـو بالحنـش حى
ويتعصبـو بالـعقـارب

الليـل مـا هـو قصير
إلا على اللى يـنامـه
والشخـص مادام فقير
ما حد يسمـع كلامه

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى

طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق

فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي

سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه

شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب

يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة

جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية

كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي

إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب

غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*

اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه

يا بت جملك هبشني
والهبشة جت في العبايا
رمان صدرك دوشني
وخلى فطوري عشايا
---------------------------
1
-أستار: ستائرالورانا: جمع "ورل" – حيوان صحراوي يشبه التمساح

____________
المصدر ..كتاب مربعات ابن عروس دراسة وتحقيق مسعود شوماندار سمـا للنشـر والتوزيع القـاهـرة 2000

هناك 14 تعليقًا:

loumi يقول...

جميله قوي المربعات دي يا محمد
********************
اللي حبنا حبناه
وصار متاعنا متاعه
واللي كرهنا كرهناه
ويحرم علينا اجتماعه
********************
دى أكثر مربعه يتم تداولها
بيننا بس ما كنتش اعرف إنها لإبن عروس

تعيش وتكتب وتفكرنا

همسات دافئه يقول...

مسكين من يطبخ الفـاس
ويريد مـرق من حـديده
مسكين من يعاشر النـاس
ويـريـد من لا يـريـده

حلوة اوي ده
تفتكر يامحمد طالماالناس بتقول النصايح ده من العصر العثماني ليه لحد دلوقتي مش بنتعلم
واضح جدا ان الناس فى كل الأزمان مبتعرفش غير انها تقول حكم ونصايح وبس
وبتفتكر انها كده عملت الى عليها ناحية الجيل الى بعدها

كالعاده عمري ما هاقفل الصفحة بتاعتك الا لما استفاد منها حاجة جديده
شكرا يامحمد:)

سوبيا يقول...

أكتر من جزئية هنا بتتردد على لساننا
بس اول مره اعرف مين صاحبها

تسلم ايدك

وزي ما قال
ابن عروس


فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي


سلام

mohra يقول...

كم احب ابيات المظالم
معلومه عزيزه يا محمد

حـــــدوتـــــة يقول...

السلام عليكم

اخبارك ايه ياباشا
انا عارف انى مقصر معاك بس حقك عليا
وكفايه الكلام الجامد اللى انت جايبة المرادى
عموما هتلاقينى بنطلك كل شوية

سلالالالالالالالالالالالالالالالالالالام

hend...hanady يقول...

التراث الشعبى مليان بالقصص والحكايات اه هى مبالغ فيها بس كلها لها طابعها وبتعلم الشجاعة وغيرها من صفات نفتقدها فى هذا الزمان ياريت ترجع الناس تسمعها وتتعلم منها زى زمان

غير معرف يقول...

السلام عليكم
كيف الحال
اخبار الامتحانات ابه .. اتخرجتم ولا لسه .. واللي اتخرح اشتغل ولا لسه
سمعتوا عن مشروع تمكين الشباب .. المشروع عبارة عن برنامج تدريب على برامح تكنولوجية في مجال الشبكات والسكرتارية وال designing , و الcall center من شركات عالمية .. وفي نهاية البرنامج بيتقدم المتدرب لاجتيار امتحان وبيقدم في النهاية مشروع تخرج وبيخصص يوم لعرض المشاريع في يوم التوظيف أو )job fair وفيه يتم دعوة شركات دولية في مصر والشرق الاوسط لعرض فرص العمل المتاحة لديهم .
ايه الفرق ما بين الكورسات عامة والكورسات في البرنامج ده
_أسعار الكورسات مرتفعة جدا وده المشروع عالجه لأنك هتدفع تمن الامتحانات بس
_ممكن تكون واخد الكورس بسعر كويس بس مش في مكان معتمد أو مستوي دون المطلوب أما البرنامج بيدي كورسات معتمدة من سيسكو وصن وأدوبي واوتو ديسك
_المعظم بياخد كورسات لا تؤهله لعمل كاريير لنفسه )كورس من الشرق وكورس من الغرب* وبيلاقي نفسه بيعرف شيء عن كل شيء ومش بيعرف كل شيء عن شيء وده اللي المشروع تغلب عليه من خلال اسمها track
وهو عبارة عن مجموهة كورسات مرتبطة ببعشها البعض تقدر من خلالها تمارس عمل متكامل
_ معظم الكورسات نظري أما البرنامج فبيهدف الي ان تكون الدراسة فيه أكاديمية بمعني الدمج ما بين النظري والعملي
_كمان البرنامج بياهلك بأنك تطلع الي سوق العمل كامل ومتكامل بالاضافة الي الكورسات المتخصصة في مجال تكنولوجيا المعلومات والاتصالات كمان هتاخد كورسات تنمية بشرية
أدخل بقى علي اللينك ده وشوف التفاصيل http://ohnet.ofokngo.org/group/ey09

غير معرف يقول...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟ و لمزيد من التفاصيل أذهب إلى مجموعة مقالات ثقافة الهزيمة فى هذا الرابط:

www.ouregypt.us

ReEm يقول...

انا حبيت اهني حضرتك بلقاء اللي على روتانا صحيح المذيعيين مش قد كدة بس اللقاء كانن لذيذ

انت طلعت الذ و ابسط من ماباين عنك في المدونة

اتمنالك التوفيثق الدائم

Sharm يقول...

شكرا على المعلومة الحلوة
اول مرة اسمع عن ابن عروس ده

موجة يقول...

بوست رائع

تقبل مروري

يشرفني مرورك

خالص تحياتي

مجرد موجة

امرأه قبل الاوان يقول...

انا سمعت عن ابن عروس في مسلسل الليل واخره بتاع يحي الفخراني بس مكنتش اعرف ان الحاجات الحلوه دي هو اللي ألفها
شكرا على المعلومات والحكم الجميله اللي اخترتها من كتابات ابن عروس

IBN BAHYA يقول...

كل سنه وأنت .. والجميع بخير وطيبين
ومتحررين
أرق تحياتي

mamdooh يقول...

كيف استطيع الحصول على الكتاب