اخر ما كتبت على مدونتى الثانية
حيل الدفاع النفسى 2 يمكنك قرائته من هنا..

12/27/2008

اسمة ..اللاشعور

قبل البدء...شكرا لكل من ادلى براية...حقيقة شكرا لكم...
المجموعة بقى اسمها "ساديزم"...
ان شاء الله هاتصدر قريب خلال الاسبوعين القادمين دول..وهاحط الغلاف الاسماء القصص قريبا...
دة جروب المجموعة على الفيس بوك ..شكرا بحق فبدون دعمك ما كنت ساستمر..
**********
"فرويد" ابتكر طريقة جديدة سمها "التداعى الطليق"...الطريقة دى ببساطة انك تسيب المريض يتكلم ويتكلم وانت تسمع وبس
...
الطريقة دى رغم فكرتها البسيطة..ورغم تشابهها مع فكرة الاعتراف فى الديانة المسيحية ..ومع جمل كتيرة فى الموروث الشعبي زى.."فضفض".."بعبع بالى فى قلبك"مع الاختلاف ..لان المريض لما بيتداعى مع الطبيب بيتداعى بدون إعمال اى ميكانيزم دفاع من الى بيستخدمها مع الآخرين..بيقول الكلام بنفس النطق مش بيزوقة..مش بيحكم اى قيم أخلاقية..علشان كدة من الشروط الأساسية أن المريض ميشوفش الطبيب فى نطاق رؤيته ..يسيبة يكلم نفسه..يشرح الأفكار يخرج عن نطاق الدين ..الجنس..الدولة يلعن نفسه حتى.. مع التدخل قليلا بالأسئلة ان كان الأمر ضروري وجدا ..

التداعى دة مكن فرويد من ابتكار شئ تقريبا هو أساس علم النفس..( اللاشعور) فرويد حط قوانين بتحكم اللاشعور . .وبرغم عمق اللاشعور ..وتداخل رموزه..بداء فرويد فى محاولة فك الطلاسم ..بدا فى تفسير الأحلام ..وووو...

المهم فى كل دة.. أن اللاشعور باكتشاف فرويد مكنة من معرفة البوابة الخلفية لاى بشرى - البوابة الأمامية والطريق الملكي لمعرفة اى شخص هو الأحلام-كل ما يهمك فى الأمر هو اننى سأجرب معك شئ جديد للغاية..هو كيف ترى العوامل التي أثرت على تكوين لا شعورك..وأثرت فى نشأة خوفك وهويتك .وجعلتك انت هو انت ..استمع فقط لترى بداية الطريق واكملة انت او فلنكمله سويا أن أردت..

عليك أن تتبع بعض القوانين..أولهم ان تخفض اضائة غرفتك للغاية
وعليك أن تبدل مقعدك الوثير بسرير او بشازلونج ..وتطفئ سيجارتك المشتعلة وتغمض عينيك ..وتترك لروحك العنان..انظر الى العالم من اعلي..هل ترى يديك تتخيلها جيد جيد هذا جيد..مكان يديك ضع كل ما مر بك فى حياتك ..كل لحظات قهرك..كل لحظات قوتك..هل بدء الشريط بالدوران ..عظيم عظيم..أريدك أن تستمع الى أعمق صوت دافئ استمعت إلية طوال حياتك..استمع إلية وهو يطلب منك تذكر طفل صغير يشبهك..او طفلة وحيدة تمسك بعروسة ..هل رأيت الطفل..الصورة مشوشة..اعلم فقط لا تضيعها ..تمسك بها..تحرك مع الطفل الصغير انظر بعينية ...لدقيقتين ..لترى أبيك المتوفى ..وأمك السعيدة بعودته من العمل..او لترى منظر أخيك الذي تزوج منذ سنوات..أريد من حاسة الشم لديك أن تتذكر أحب رائحة طعام لديك..هل اكتملت مكونات الصورة الان..أريدك أن تتذكر العمق..الجرح الصغير فى مؤخرة راسك من أين أتى..أول مرة شعرت بالإثارة أول شعور بالخوف..كلب الجيران الذي هدد خطواتك فأصبحت تكره الكلاب..أول مرة تدفقت فيها جرعات الأدرنالين الى دمائك لتجعلك ترى العالم بعيون أخرى..تذكر أول الم..خوف من الفشل...انظر الى عينيك حينها..لا تخبرني..فقط اندمج ..اندمج حتى الثمالة ..الان عرفت لماذا تكره القطط..والأماكن المظلمة..اصبحت تتفهم جيدا لما تغسل يديك جيدا أكثر من مرة..تعرف لماذا تشعر بالخوف من الصور والتصوير..تفهم من هو الأخر الذي يقفز فى عقلك اصبحت تعرف من أين أتى..تتفهمين لماذا يحدث ذلك فى أحلامك..هل فهمتي الان معنى حلمك المتكرر..وفهمت الان لماذا تكره النظر الى عينيتك فى المرأة...لا تغص أكثر من ذلك من فضلك أفق الان ..بعد أن فهمت الان يمكنك أن تخبرني يا عزيزي..ويمكنك أن تعترف إن جميعنا مرضى نفسيين..نسيت إن أرحب بك فى عالمي الخاص...
اللاشعور..

هناك 22 تعليقًا:

shaimaa samir يقول...

بالتوفيق.....

lyssandra يقول...

منتظرين المجموعة القصصية بفارغ الصبر

مع أمنيات طيبة بالتوفيق

------

عرضت لتدوينة اللاشعور بشكل شيق

تحية طيبة
واحترام عميق

-----

كل سنة وانت طيب

Lyssandra

ريحانة يقول...

مبروك المجموعة القصصية
ومنتظرينها بشوق

.............
ناس كتير بتعتبر انك تعيش مع نفسك
تحاول تتعرف عليها ووتعرف ايه اساس خوفها وفرحها وسبب تعلقها بأغنية يمكن تكون مش حلوة
او رائحة معينة قد تكون مش مميزة
سبب اصرارها على عادة يمكن خطأ او حالة بتنتابه فى موقف يمكن يكون عادى بالنسبة لناس تانية


كل ده فى بالنسبة لناس كتير جنون
وبالنسبة لناس تانية صعب جدااااا

بس بجد بالتدريب بيبقى الوقت اللى بتقضيه مع نفسك من اهم واجمل الاوقات
وبالتدريج بتعرفان ممكن جدا تصلح حاجات كتير انكسرت زمان
يمكن مش حاترجع زى الاول بس حاتتصلح لحد ما


استمتعت جدا بالتدوينة
ومبروك مرة تانية

سمراء يقول...

عشت خبرة شبيهه وقد كتبت عنها في موضوعين اقتراح غير تقليدي ودعوة للمصالحة مع الذات

مبروك المجموعة القصصية
سمراء

غير معرف يقول...

فرويد عندما عمل مع بروير وجده يستخدم طريقه فى علاج مرضى الهستيريا وهى وضع يده على جبهه المريض ثم يعمل على تنويمه مغناطيسيا وطول وهو بيتكلم بيفضل حاطط ايده لحد ما فى وقت معين يعمل على إفاقه المريض من التنويم المغناطيسى ، فرويد تعلم تللك الطريقه جيدا ، لكنه مل من استخدامها لذلك هو زى ما تقول طورها شويه دون استخدام التنويم المغناطيسى وفعلا اسماها التداعى الطليق (وزى ما قولت فعلا بيسيبه يتكلم يتكلم وهكذا).

اظن نسيت بعد (فضفض) و (بعبع بالى فى قلبك)جارتناالحاجه(ام سعيد)؟

مين اللى قال ان اثناء جلسه تداعى المريض لم يعمل على اعمال اى ميكانيزم دفاعى (بصراحه دى غلط) لان ابسط الميكانيزمات الدفاعيه اللى بيستخدمها المريض داخل غرفه العلاج هى الاسقاط وده شىء اساسى خاصه لو بيسقط صفات سيئه على المعالج النفسى، والتبرير طبعا خاصا لو بيبرر موقف هو سرق فيه حاجه مثلا ده هو ساعتها بيبقى فى امس الحاجه لاعمال ميكانيزم التبرير بالذات الا وهيحصله انهيار لللانا .

مش معنى انه بيقول كلامه بنفس النطق ومش بيزوقه انه مش بيشغل ميكانزمات الدفاع ، وده بغض النظر عن ميكانيزمات الدفاع لانها بتشتغل بشكل لاشعورى وليس شعورى ، يعنى علشان ابرر فشلى فى امتحان ما قدام ماما مثلا بقولها اصل الدكتور كان مستقصدنى او الامتحان جه صعب او الدكتور تعليمه مش كويس دى اسباب على المستوى الشعورى انا عارفه انها كلها غلط وان انا مذكرتش علشان كده تلاقى الميكانيزم ده اشتغل لوحده وهو ده بقى (التبرير).

مين اللى قال انه من الاساسيات المهنيه ان المريض ميشوفش الطبيب فى نطاق رؤيته لا خالص ده حتى على ايام فرويد كان بينيمه مغناطيسيا وحاطط ايده على راسه دلوقتى ده اتغير (لان الناس دلوقتى بقت تعترف بمشكلاتها النفسيه عادى جدا زى اى حد بيشتكى للدكتور من الم مدايقه فى مكان معين عادى )او ممكن يحصل لو المريض طلب ده ولو مش مصدقنى راجع غلاف كتاب اسس تقنين الاختبار النفسى لدكتور فتحى الشرقاوى وشوف المعالج النفسى قاعد ازاى قدام المريض والمريض حالته الانفعاليه عامله ايه ؟

ملحوظه صغيرة :
اللى بنتكلم عليه دلوقتى اسمه معالج نفسى وليس طبيب نفسى (انا عارفه انك عارف الفرق كويس بس ممكن يكون سهى عليك) .

يلعن نفسه حتى وممكن يلعن فى المعالج نفسه كمان عادى جدا (حلو).

اه نيجى هنا غلطه كبيرة شويه (انا شايفه كده) فى فرق بين الاكتشاف والابتكار صح ؟
صح ، الابتكار هو انك تصنع او تعمل حاجه جديده مكنتش موجوده من قبل كده زى مثلا الغساله الفول اتوماتيك ايام ما طلعت كان اسمها ابتكار .
اما الاكتشاف هو ان حاجه موجوده اصلا وانت اكتشفتها زى البترول موجود فى الارض واحنا بنكتشفه وبنطلعه مش بنبتكرة .

اما بخصوص فرويد فهو لا ابتكر ولا اكتشف الاشعور (ليه بقى؟) لان فى ناس كتير اكتشفت الا شعور قبل منه زى كارل يونج لما اتكلم عن الاشعور الجمعى .

علشان كده احنا بنعظم فرويد على اكتشافه بقى اللى بجد وحقيقى اللى هو مفاتيح او قوانين الاشعور (العمليات الاوليه)اللى هى بتحكم الاشعور فعلا ، لانه فعلا اول واحد اكتشافها واتكلم عنها وهى دى بقى اللى خلتنا نعرف نفك طلاسم الاحلام ونكشف ما بداخل الاشعور (وهنا تكمن عظمه فرويد).

العمليات الاوليه اللى اكتشافها فرويد دى بقى تكمن فى كلمتين هما (التكثيف و الازاحه) او (النقل والازاحه) .

اصلا العوامل التى تؤثر على الاشعور وتعمل على اذدياد عمقه عوامل غير مدركه على المستوى الشعورى .

اهى العوامل اللى انت تقصدها دى تؤثر على المستوى الشعورى بمعنى انا بفتكر فعلا انى بخاف من الكلاب علشان فعلا فى كلب كان على طول بيجرى ورايا فخلانى اكرهم (الكره هنا شعورى انا عارفه ولو عايزة امشى فى شارع فيه كلاب هقول لا اصل بخاف منهم علشان حصل كذا وكذا ).
انما بقى لما اقولك انا بقرف من الميه ومش بحب اشرب ممكن ساعتها المعالج هو اللى يكتشفلى ان انا بقرف من الميه علشان شوفت كلب قبل كده بيشرف بشكل خلانى اشمئز من المياه واكرها ومحبش اشرب (التانيه دى والكره هنا على المستوى الاشعورى لان لو حد قالى انتى مش بتحبى الميه ليه هقوله معرفش حاجه زى دى بقى ميطلعهاش من الاشعور غير المعالج النفسى ).

اعتقد اننا جميعا نعانى من مشكلات نفسيه منا من يستطع التغلب عليها سواء بشكل ايجابى او بشكل سلبى ومنا من يحتاج ليد المعالج فى التغلب عليها ، ولكننا لسنا جميعا مرضى نفسيين (وهناك فرق كبيييييييييير).

تحياتى و بالتوفيق .

جنّي يقول...

السلام عليكم

كان الله مع اهل غزة وليغفرالله لنا تقصيرنا معهم ..

لا للوقفات والاستنكارات ولكن اجمعوا المال والسلاح وليفعل كل منا ما يستطيع لايصال المال والسلاح لاهل غزة ..

ويارجال سيناء الشرفاء قوموا بايصال المال والسلاح لاخوانكم في غزة الصامدة..

ولعنة الله على الكلب الذي استقبل العاهرة اليهودية امس للتواطؤ لضرب غزة ..

وحسبنا الله ونعم الوكيل

بنت مصريه يقول...

the unconscious
والله فكرتنى بالذى مضى يا غزالى
انا كان تخصصى ف تمهيدى ماجستير دراسات فرويد سواء عن اللاشعور او الحيل الدفاعيه
او التداعى الحر او التنويم المغناطيسى

ودرست كتابه بتاع تفسير الاحلام
بس لاحظت ان تفسيراته لجميع احلام مرضاه نابعه من كبت لرغبات جنسيه ترسبت فى اللاشعور لديهم وظهرت فى احلامهم ولكن على هيئه رموز

احييك على هذا التنويم المغناطيسى الرائع

enjy يقول...

اولا مبروك المجموعة اللى واضح من اسمها انها مبتكرة جدا.....
ثانيا كان عندى بعض التعليقات عن المضمون النفسى للبوست لقيت تعليق غير معرف قايم بالواجب الله ينور......
ثالثا مستنية المجموعة جدا بسرعة ربنا يوفقك..سلام

عاليا حليم يقول...

ايوة دلوقتى فهمت الطريقة دى كويسة ليه

بس انت قلت وسط الكلام برده ممكن تداخل الأسئلة

maha يقول...

سلام عليك يا غزالي
غيبة طوييييييييييييييييلة اوي
بس عودة جميلة
....
فرحانه اوي بالبوست و برغم عدم حبي لفرويد بس حبي لعلم النفس مخيف
..
علي فكرة ساعات بحس ان كل واحد فينا بيكون عارف فعلا هو بيخاف ليه و بيحلم بحاجة واحده بشكل مستمر ..كل الناس فاهمة نفسها بس بتحاول تخفي حقيقتها عن نفسها لان يمكن خايفة تتعامل مع الواقع
..
برضه مش سهل اني احس ان انا جوايا اضتهاد او سادية او بارانويا
يمكن او اكيد ان كلنا جوانا نسبة من كل مرض نفسي و عضوي بس مش بيكون ظاهر الا لو حاجة في الواقع عملتله عمليه تنشيط للظهور للسطح البشري
..
بس برضه عالم الاشعور عالم تاني خالص
بس مش مملل ان حد يدور فيه كتير ...
...
بانتظار المجموعة القصصية و الف الف مبروك
سلام
مها

Rosa يقول...

لا تعليق
اكتر من رائعه بجد
ربنا يوفقك يا رب
:)

عاقلة علي ارض الجنون يقول...

بالفعل ..

الانسان منا ما هو إلا مظهر لمكنونات نفسه تكونت عبر الزمن

بناء تم بناؤه .. و الذكي منا ليس من يحاول التأقلم .. و لكن من يحاول العبث بالماضي ..

من لم يستسلم لأفكار الماضي فتصبح كل ايامه في نطاق الرد فعل ..

فقط لنفهم و لكن تصرفاتنا يجب أن تخرج لتتنفس بعض الهواء النظيف من الذكريات !!

rovy يقول...

رربنا يوفقك و الف مبروك المجموعه القصصيه

بوست رائع كالعاده تأخذنا لنغوص فى اعماق انفسنا يمكن فيه ناس كثير محتاجه جدا انها تفهم نفسها و تتعرف على ذاتها
احييك على هذا البوست و اشكرك عليه

ددمت بكل الخير فى رعاية الله و توفيقه

خالص التحيه

د. إيمان مكاوي.. أم البنين يقول...

ألف مبروك المجموعة القصصية
وبالتوفيق

Somaia يقول...

أنا جيت هنا بالصدفة الحقيقة .. بس وأنا جاية كنت عارفة ان ديه مدونة واحد هينزله كتاب اسمه "ساديزم" .. واللي جابني ان الاسم شاددني جدااا

وأنا بقرا بقى .. وقفت في النص .. وقمت جبت قائمة الكتب اللي هشتريها من المعرض وكتبت "ساديزم"

الأسلوب حلو أوي .. وفكرة الكلام نفسه .. التداعي الحر .. أنا أحيانا بقفل الشاشة وأٌعد أكتب من غير ما أبقى شايفة أنا بكتب ايه .. بتطلع حاجات عجيبة برده .. حاجات ما كنتش أعرفها

أنا مش خبيرة في علم النفس .. ولا بفهم فيه أصلا .. بس أنا عاجبني البوست أوي

ألف مبروك الكتاب وعقبال ما يبقى فيه كتب وكتب

نبضات يقول...

الف مبروووووووووووك على الكتاب
متشوقه لرؤيه الفلاف وقرأة الكتاب
بالتوفيق والتميز الدائم

بوست جميل

ممكن كل انسان يكون طبيب نفسانى لنفسه لو كان صادق معها على قد مايقدر لكن المشكله ان الصدق مع النفس صعب مع انه أهم من الصدق مع البشر ان تكون صادق مع نفسك والاجمل الصدق ايضا مع البشر

كلنا عندنا مشاكل نفسيه وسلبيات فى شخصيتنا ولكن ليس معنى ذلك اننا كلنا مرضى نفسسين

تحياتى

Founoon يقول...
أزال المؤلف هذا التعليق.
Founoon يقول...

لف مبروك متشوقة جدا لقرائتها

بالنسبة للفضفضة ..ينفع الواحد يعالج نفسه ذاتيا ؟
يعني في حين قيامي بالخطوات دي هل تعتقد انها ممكن تجيب نتيجة ؟ لاني بصراحة جربتها كتير وبحط ايدي فعلا على مكان الجرح بس ما بعرفش اعالجه ازاي للاسف

مبروك مرة تانية وبالتوفيق

عاشــــــ النقاب ـقــــة"نونو" يقول...

الف مبروك الكتاب ومن نجاح لنجاح اكبر منه
وفقك الله لما يحبه ويرضاه

ذو النون المصري يقول...

اسعدتني جدا اخبارك الاخيره
و في مقالك عن فرويد و طريقته
اعجبني جدا تعبيرك عن البوابه الخلفيه للانسان

كيكى يقول...

انت تستحق كل خير
لانك فعلا مبدع مفيش جدال عليك
الف مبروك
عووووووووووووووو

أحسن تـستاهـل يقول...

انا داخلة بس اقول الف مبروك واتمنى اكون موجودة ف الحفل انما المكان بعيد حبتين تلاتة

الف مبروك بجد حقيقي والله

مها ميهوووو