اخر ما كتبت على مدونتى الثانية
حيل الدفاع النفسى 2 يمكنك قرائته من هنا..

11/16/2008

مش عارف!!

الاصدقاء الاعزاء...
اعتذر عن رفع بعض القص القصيرة من على مدونتى ..
لانها تحت الطبع الان ...
..
المشكلة دلوقتى فى اسم المجموعة ..يعنى انا محتار بين 4 اسماء..
ياريت تساعدونى بارئكو ..اه الاسماء صحيح
انا ملحد..(قصة فى المجموعة..لم تنشر من قبل على المدونة )
الفراشة ....(قصة فى المجموعة..لم تنشر من قبل على المدونة )
خطة نابليون..
ساديزم..
او اى اسم من برة المجموعة وبيعبر عنها ..زى نيران صديقة بتاع دكتور علاء الاسوانى كدة..
بس
دعواتكم بقى ..

هناك 51 تعليقًا:

dina seliman يقول...

اولالا
الف مبروك على التوقيع وقرب صدووور المجموعه
مبرررررررررررررررروك

وثانيا بالنسبه للاسم
انا عاجبنى اوى خطه نابليون
لان القصه بتاعته عجبتنى جداااا جداااا
ده غير ان لو اتصمم غلاف الكتاب و استغلنا رقعه الشطرنج والبياااادق اللى عليها وحركتهم
ويسلام لو بيدق منهم اللى هو لم بيموت ده بنقول كش ملك كان فى مرحله وقوعه

بجد هيبقى شغل عالى اوووى

وعموما مهما كان اسم المجموعه
حتى لو ريان يافجل اكييييد هتبقى روووووووووووووعه

وربنا يوفقك دااايما

غير معرف يقول...

ملحد ولكن..

قطرة الندى..

نيران الظماء

~*§¦§ Appy §¦§*~ يقول...

مبروك يا غزالى الف مبروك
سميها فراشه حلوة علشان انا بحبهم ههههه

lyssandra يقول...

أنا مع دينا فعلا في الاختيار

وفعلا لازم الصورة في الغلاف زي ما وصفتها وإلا فالبعض ممكن يتخيل انها قصة تاريخيه

:)

علي العموم عندي صورة أو 2 ممكن تناسب الموضوع

هاعرضهم عندي في المدونة
ولو قررت أو رسيت علي الاختيار ده فممكن تاخدهم طبعا

بس زي ما قلتلك

نسختي محجوزة من فضلك

:)

كل التحية

Lyssandra

زهرة الجنة يقول...

مليوووووووووووون مبروك يا محمد
ربنا يوفقك يارب

وانا بعتقد ان خطة نابليون اسم مناسب وحلو جدا

اتمني لك نجااااح باااااااهر
ربنا يكرمك دائما ابدا

Gannah يقول...

بفكر
أنا ملحد...طبعا لا لانها لا تعبر عن المجموعة ولاننى لا أحب أن يقترن اسمك بهذا العنوان
اذن هناك 3 اختيارات
خطة نابليون
ساديزم
الفراشة
لم اقرأ الفراشة ولكنها تعنى لى الحرية ..التحليق الى أعلى ...ألوان زاهية..أنثى رقيقة
ولكن معك قد يكون المعنى مختلف
الفراشة تذكرنى بدراما نفسية بعنوان جامع الفراشات
وتذكرنى بسذاجة الفراشة عندما تقترب من النار ظنا منها أنه نور
فتعود محترقة
كأبيات ناجى
هل تعرفها

أنت تحتاج لاسم يعبر عن المجموعة وعن هوايتك الأثيرة..الغوص فى أعماق الشخصيات بلا خوف
الاسم هو اسم مجموعتك الأولى لا بد أن يكون مميزا كالقصص نفسها فلابد أن يحمل اما اسم أكثرها ابداعا أو أن يكون معبرا عن المجموعة ككل
اذن السؤال
which is your master piece??
اذن ما اختيارى
ما زلت أفكر واضعة فى الاعتبار اننى لا زلت لا اعرف معنى الفراشة
تحياتى

همسات دافئه يقول...

الصديق العزيز
كم اشتاق الى رؤيه كتابك هذا وتقليب صفحاته بين يدى
مممم
عفوا..انا ملحد
هو الإسم جديد ومثير واعتقد انه يجذب القارئ بسهوله بس بيتهيألى برضه هتتعرض لنقد كتير

خطه نابليون
ليس أفضل الأسماء ولكنها أقرب الى شخصيتك تحمل معنى الذكاء والدهاء والكثير من الغموض..مثلك:)

الفراشه وساديزم اسماء تقليديه لا أنصح به

زودت حرتك مش كده ;)
ألف مبروك يامحمد مهما كانت الأسماء أكيد هيبقى أكثر من رائع:)

shaimaa samir يقول...

ايها الغزالى

اهلا بك

تذكرت حيرتى

وف النهاية لم اختر اى شىءمما وضعته فى المدونة

_مثلما ستفعل انت تماما_

:)

انا ملحد
جدلى

ساديزم
مش اوى رغم غرابته

خطة نابليون
لا

الفراشة
مينفعشى اسم كتاب

احم
ايه السواد اللى انا عملته ده

احم

طيب ممكن تقعد وتستخير جدا
حد يكون قارىء لقصصك وغاص فيها كثيرا
هيديك بارقة الفكرة

انا شخصيا افضل الاسماء التى تحوى معنى للكتاب
وليست باسم قصة اوقصيدة معينة بالداخل

عموما

كل التوفيق لك

تحياتى

فاتيما يقول...

مع شيماء سمير الجميلة فى كل ما كتبته
ربما لأن ليها خبرة سابقة و عارفة المشوار كله من اوله لآخره
بس عنوان ساديزم ملفت حبتين
ألف مبروك يا غزالى
ربنا يوفقك

ما علينا يقول...

كل التعليقات تحتمل الصواب
وايضا تحتمل الخطأ

وفي كل التعليقات اناصر جزء
واخالف جزء

ربما لان خطة نابليون اخر ما نشرت بالمدونة فانه حائز على تحيز اكثر

اعتقد هذا نتيجة لانه اخر واحدث ما قرأه المعلقين وهنا اختياره يفتقد الى الموضوعية نوعا ما

وهذا لا ينفى عنه تميزه وانه فعلا عنوان ملفت

انا ملحد
ليس جديدا فقصة حوار مع صديقي الملحد
للدكتور مصطفى محمود تقفز الى الذهن بمجرد قراءة العنوان وربما هذا يفتح الباب لعقد مقارنة وهذا يشتت التركيز في الوصول الى مضمون قصتك ويتم الخلط بين القصتين

الفراشة كعنوان لا يتطابق كثيرا وكتابات الغزالى وربما هو ايضا تقليدي نوعا ما



ساديزم حلو اوي لكن اعتقد ان دا هيكون راي ليس له الرواج

وهذا عامل يجب اخذه في الاعتبار


ونهاية اتفق مع شيماء سمير

في ان الاسم المعبر عن الكتاب ككل
او عن الكاتب نفسه افضل من
ان تختار اسم احدى قصص الكتاب

اولا هذا اسلوب قديم
ومن وجهة نظرى الشخصية
كنت اجد فيه ظلم لباقي القصص

لانك بهذا تفرض على القارئ رأى وكانك تقول له هذه افضل قصة في الكتاب

حقا هو كتابك ولك ان تشير الى ما تجده افضله

لكنك طرحته بين ايدي الاخرين ليقرأوا ويحكموا

ربما من خلال تقديم او اهداء بسيط تنوه الى اقرب القصص الى قلبك

ولكن الاسم فلتبحث عن اسم يعبر عن الغزالى

او عن منتصر

او عن كثيرين عايشهم او عاشهم الغزالى بخياله

نيران يقول...

:)
ولا انا كمان عارفة

اعتقد ساديزم.. هو الاقرب من الناحية التجارية لأن الاسم ملفت.. و له وقع موسيقي على الأذن
كما انه يعبر عن طبيعة كتاباتك المرتبطة بالتحليل النفسي عموما..

انا كنت مع ملحد.. بس غيرت رأيي..

خطة نابليون.. القصة عبقرية.. بس العنوان مش تجاري..

انا مع ساديزم

او..

سمي المجموعة
غزاليات..
او حاجة مرتبطة بإسمك انت مش بالقصص

بس الف الف و ارجع اقول.. مش عارفة

غير معرف يقول...

فرحان باسم " أنا ملحد" ياوكستي

اكرام

مـحـمـد مـفـيـد يقول...

بص بما ان عبد الله هيقول الاذاعه المدرسيه وهيعلن عن الروايه
فولا اسم من دول عجبه
شوف ايه الاسم اللي يعبر عن المجموعه القصصيه

Lola يقول...

امممممممممم هى زيارتى الأولى هنا واتكسفت ابص وامشي كده قلت اشاركك برأيى كزبونه,ههههه دا لما تنزل القصص طبعا...بص يا سيدى انا حيشدنى اسم ساديزم


لولا

Jana يقول...

متهيألى
انا ملحد ده صعب اوى ..وينفر الكثير عن شراء الكتاب كما سيدعو للتفكير فورا فى مصطفى محمود والمقارنة
الفراشة ..تقليدى وغير مناسب لطبيعة باقى القصص
ساديزم .. حتلاقى اللى اشتروا الكتاب اهتموا بالاسم بغض النظر عن مضمون القصص ...واللى بيهتموا فعلا بالقصص حيخافوا من اسم الكتاب ههههههه
يتبقى خطة نابليون ..أكثرهم شدا للانتباه لكن مشكلته انه يعطى انطباع بانه كتاب تاريخ
اسم من خارج المجموعة ..لازم يكون بيعبر عن كل المجموعة ..وده مبيحصلش الا لو كانت كلها فى خط واحد
او اسم اقرب قصصك الى قلبك ودى فرصة تكتب فى مقدمة الكتاب انها اقربهم ليك وايه السبب
ولا تنسى ان شكل الغلاف عامل مهم جدا ..لا تغفل ان يكون معبر عن العنوان
ربنا يوفقك

.:.-=- ELGaZaLy-=-.:. يقول...

الله يبارك فيكى يا دينا...

خطة نابليون جميل..بس متنسيش انة اصلا اسم خطة شطرنج..ويشرفنى ان القصة عجبتك يا افندم..بس تصورك للغلاف والاسم هافكر فية اكيد..
ربنا يكرمك يارب..

.:.-=- ELGaZaLy-=-.:. يقول...

ملحد ولكن..= انا ملحد..الاسم مغرى بس ليا علية تحفظات ..

قطرة الندى ونيران الظماء ..هايدو طابع الرومانسية الصرفة ودة مش موجود فى كتابتى للاسف..

شكرا صديقتى العزيزة

.:.-=- ELGaZaLy-=-.:. يقول...

هههههههههههههههههه

حاضر يا ابى..

.:.-=- ELGaZaLy-=-.:. يقول...

ليسندر العزيزة..
خطة نابليون اسم جميل
..بس غير انة تاريخى دة اسم خطة شطرنج قديمة اوى اوى يعنى...
وشكرا على الصور يا جميل...

يا افندم انتى بس تشرفينى فى حفل التوقيع والكتاب والكاتب كمان بس كدة..

.:.-=- ELGaZaLy-=-.:. يقول...

ربنا يبارك فيكى يا مروة...

خطة نابليون تانى...هافكر فية جديا الاسم دة..

.:.-=- ELGaZaLy-=-.:. يقول...

جنة الجميلة ..اتا ملحد مستبعد يعنى..

ماشى
الفراشة فيها رقة فعلا..لدرجة خنقانى شخصيا..اعشق ناجى لا اعرفة فحسب..

فهمتى انتى تقريبا انا عايز اية يا جنة بس للاسف

I've never had a master piece, coz I'm a legend that repeats itself everynow and then
looooooool
tc (F)

Gannah يقول...

خلينى أفكر بصوت عالى
"نور ونيران"
النور يمثل جانب الخير فى النفس البشرية
الفراشة
صاحب العقل الكبير
والنيران
هى الجانب المظلم فى النفس تشتعل فيه نيران الشر
ساديزم طبعا
أنا ملحد (مش شر لكن ممكن تقول الكبر الذى غالبا ما يكون سبب الالحاد..غرور الانسان بقوته...وغيرها من الصفات السيئة)
وما بينهما من صراع أزلى على كل المستويات بدء من الصراع المستتر فى اللاوعى بين الانسان ونفسه ومرورا بالصراعات الظاهرة حتى تصل إلى الحروب
خطة نابليون

مجرد طريقة تفكير ومش بالضرورة تكون صح
بس ممكن تفكر كده وتدور على اسم ينفع

فكر
تحياتى

Reem يقول...

الف مبروك و يارب ينجح الكتاب ويحقق

اعلى مابيعات

بما انه الاتنين الاولانين ما اتنشروش

نتختار من التانين

انا شايفة انه ساديزم احلى او شخصيا

ممكن يشدني اكتر اني اعرف المحتوى

قوس قزح يقول...

مبروك
الف مبروك

اما عن اسم المجموعة من رائى انك ممكن تختار اسم ميكونش اسم قصة منهم
يعنى اسم تانى بيعبر عن وجهة نظرك انت فى المجموعة

و طبعا اعمل استخارة و ان شاء الله تختار اسم جميل

ربنا معاك

حـــــدوتـــــة يقول...

السلام عليكم

يا باشا الف الف مبروك
مع انى زعلان منك عشان بقالك كتير مزورتنيش
بس ولا يهمك وبالتوفيق دائما

سلالالالالالالالالالالالالالالالالالالالالالالالالام

غير معرف يقول...

ساديزم يامحمد

ولا اتفق مع اللي قالوا انه تقليدي

بالعكس...هو افضلهم وانفعهم لاسم مجموعه قصصيه

mohra يقول...

الف مبروك
انا ملحد.......حلو و يشد
او ممكن ساديزم لكن فى ناس مش هاتفهم العنوان
ربنا يوفقك

نقطة مية يقول...

الف مبروك....
انا ملحد حلو و غريب..بس هيعملك مشاكل و تعليقات ملهاش حصر من ناس اكيد غاوية مشاكل و بهدلة الابداع...
ساديزم حلو
ابقى انشر انه نزل عشان احاول حد يجيبهولي هنا في المنفى

rovy يقول...

السلام عليكم

اخى الكريم الف مبروووك المجموعه القصصيه
و يارب بالتوفبق دائما ..

بالنسبه للاسم .. خطة نابليون
او ساديزم ..

و اعدك بالتفكير و العوده اذا كان هناك وقت ..

دمت مبدعا
تحياتى

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

shaimaa samir يقول...

ما الاخبار؟؟؟؟

والتصميم؟؟؟

سكينة يقول...

التقرير بالاستبعاد يعتبر من أشكال التفكير المنطقي
:)
وأنا مستبعدة أني اشتري كتاب يحمل أي من الأسماء المقترحة
:(
أسفة لو ازعجتك دون أن أساعدك باقتراح
اختيار اسم قصة لباقي المجموعة ظلم لباقي كلماتك وتعرف أن الكلمات كالأولاد يجب المساواة بينهم
اقترح عليك اختيار اسم يعبر عن حالتك الشعورية عند كتابتك للمجموعة وإن كنت قد كتبتها متفرقة وهو الغالب فقم يا أخي بقرائتها متتالية عندها ستخلق لديك حالة شعورية توحي لك باسم يجمع القطع
أو يمكنك اختيار اسم يحمل حلم الشخصيات
يعني تكنكيات نفسية كثيرة يمكنك استخدامها في اختيار اسم جذاب
سعيدة بأخبارك

GiGi يقول...

بدايه يارب القصهص تطلع بدرى
انا رايي بس متاخر معلش
المهم انا رايي ساديزم او نابليون
بالنسبه للفراشه اعتقد انه لا لانه هيجى توجه للقصه اعتقد انه مش موجود فى قصصك
انا ملحد ولكن يعنى اسم القصه جامد قوي ده نفسي تغيره لان ممكن ناس يفهموك غلك من غير قراءهالكتاب
ساديزم بقى دى قصه تغور فى شخصيه موجود جامد دلوقتى فى كل مكان
نابليون برده حلوه بس لانها بجد قصه بجد فى الذكاء الخارق اللى فيك بس المشكله ان اللى مش هيفهم فى الشطرنج هتبقى صعب عليه
بالتلى مش هيكمل قراءه الكتاب
باتالى انا شايه ان ساديزم قصه سياسيه اجتماعيه وكمان قصه ديثه موجوده فى حياتنا

إبـراهيم ... معـايــا يقول...

يا ابني توكل على الله وسميه (خطـة نابليون) هيا مجموعة،،،؟؟؟؟ ولا أكتـــر


،،،،،،،،،،،،،،،،،،،،

أذكر والحق يتقال في هذا الصدد أني لم أتردد أبدصا في وضع عنوان مجموعتي الذي ربما لم يرق الكثيرين، وأعجب البعض

المسحوق والأرض الصلبـــة


تحياتي

amal يقول...

الف مبرووووووووووك

خبر جميل بجد

ربنا يوفقك باذن الله

بس للاسف مش هقدر اساعدك فى اختيار الاسم

جنّي يقول...

السلام عليكم

أقترح الفراشة

وبالتوفيق

تحيتي

ذو النون المصري يقول...

اولا الف مبروك علي الطبع
خبر تمنيته من زمان من ايام الشوارع حواديت لو تفتكر
المهم الاسماء
انا ملحد اعتقد ان الالحاد و اتخاذه كمنطلق للاسماء اصبح موضه و طريق الراغبين في الشهره دون ان يكون لهم غطاء من موهبه حقيقيه فبلاشه
الفراشه رقيق ذياده عن اللزوم و مش حلو لمجموعه قصصيه مطلوب فيها انها توزع عدد معقول هو ينفع لقصص اطفال
خطة نابليون مش بحبه لاني حاسس انه بعيد قوي عن المجموعه و هيبقي اشبه بخدعه للقاريء الذي ربما يسعي لقراءة شيء عن خطة نابليون الحقيقي في الحرب
ساديزم اسم غريب عن ثقافتنا و ثقافة العامه و هيعتبر تقليعه و تقليد للغرب
ده نقدي للاسماء الاربعه لكن للاسف ليس عندي اسم مناسب الان
الف مبروك

ذو النون المصري يقول...

انا علي فكره اقترحت قبل قراءة التعليقات و ممكن بعض الاقتراحات الموجوده تكون اكثر فائده من اقتراحاتي
تحياتي

أنفاس الصباح يقول...

بجد احترت

من فترة طويلة وانا بفكر

الله يكون فى عونك

فعلا حاجة تحير

يمكن كلام جنة مقنع اكتر

اعتقد ان اسم انا ملحد سينفر كثيرين

الفراشة ليس جذاب بما يكفى

يمكن ساديزم اكثر جاذية من خطة نبليون

ايه رأيك لو سمتها :

أنا و بنات أفكارى او مولودى البكر

هههههههههه

تهانينا مقدما

جنّي يقول...

السلام عليكم ورحمة الله وبركاته

كل عام وانتم بخير بحلول عيد الأضحى المبارك
كل عام وانتم على صعيد عرفات
كل عام وانتم من الحجيج
كل عام وانتم من الملبين
كل عام وانتم من المكبرين
كل عام وانتم من المهللين
كل عام وانتم مغفور لكم
كل عام وأنتي حرة يا أمتي

أخوكم سعيد

ســـــــهــــــــــر يقول...

طيب و اللى عاوز يكمل القصه يعمل ايه دلوقتى؟؟؟؟

يعنى الحق علينا بنحافظ على حقوق النشر و ما اخدناش القصه كوبى م الاول ؟؟؟

مليش دعوه عاوزه اكمل خطة نابليون

يا تعيد نشرها هنا يا تطبع المجموعه بسرعه عشان اقراها

الف مبروك يا محمد
بالتوفيق ان شاء الله

ذو النون المصري يقول...

كل سنه و جميع افراد الاسره الكريمه بخير

نهر الحب يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين
عيد سعيد يارب العالمين

Jana يقول...

كل سنة وانت طيب وبخير يا غزالى

GiGi يقول...

كل عام وحضرتك بخير وربنا يكرمك ويوفقك يارب ويحققلك كلامانيك والقصه تنجح نجاح اكبر مماتتخيل يارب لانها بجد تستاهل
ربنا يكرمك وتقبل الله

Reem يقول...

كل سنة وحضرتك طيب و يارب يكون الكتاب

اتطبع ونجح كمان

wanna b a physician يقول...

مبروك يا فنان
وبيتهيالى خطة نابليون افضل
او يمكن الفراشة

shayma يقول...

الف الف مبروك يا محمد
بجد بجد مبسوطالك جداااااااااااا
وربنا يوفقك يارب

بيتهيالى اسم ساديزم هيكون حلو اوى ويشد
وممكن كمان خطه نابليون

بس ساديزم يشد اكتر

الف الف مبروك يا محمد
:)))))))))))

دينا حامد يقول...

اولا الف مبروك على المجموعة ويارب تكون ناجحة وتاخد حقها

ثانيا انا عجبني اسم خطة نابليون مش عارفة حسيت انه لايق واسم يشد الانتباه

بالتوفيق
تحياتي

ســمـــر احمد يقول...

مبروك على المجموعة .. و يارب ديما بالتوفيق .. انا مع اختيار اسم يعبر عن المجموعة مش اسم لقصة واحدة .. لان اكيد انت مش هاتقدر تفضل قصة منهم على الباقى ..

just me يقول...

خطة نابليون>>اسم متميز و يشد القارىء