اخر ما كتبت على مدونتى الثانية
حيل الدفاع النفسى 2 يمكنك قرائته من هنا..

6/17/2008

محاولة عبثية لقرائه اشخاص غير منطقية

ملحوظة قبل البداية...
هذا البوست يعبر عن اشخاص بعينهم...واى شخص يرى نفسة فى ذالك المقال ويرى افعاله...فهو ذالك الشخص الذى اعنية..وهو للامانة كوكتيل من بعض الاشخاص..
وان اعتبرو كلامى هجوما..فنعم هو هجوما...
------------------------
ابدا يومى غالبا بالقهوة ..لماذ لان كل الكتاب الكبار يفعلون ذالك

--------------------------------
حلا ويللا يا حلا ويللا يا خسارة ياحول اللا الثورى النورى الكلمنجى هلاب الدين الشفطنجى قاعد فى الصف اللأكلنجى شكالاطه وكراميلا
--------------------------------
انا ماركسى شيوعى اشتراكى راسمالى مؤمن باهمية الثورة لتطهير راس المال المستعمر من قبل القوى المهيمنة علينا خارجيا وداخليا ..وارى كل الاشياء من خلال مناظير يصعب عليك ان تراها منها فيمكننى ان احدثك عن بوتقة الاشياء وعن أعلى درجات النضال الحاسم ضد كل النفايات الاتية من القرون الوسطى واؤمن جيدا بان الحشيش هو المنقذ لنا وهو مفتاح التغير غير الثوري لكل تناقضات الرأسمالية واستطيع ان وان اختار عناوين لكتبى لن يفهمها الا مغفل..احم مثقف مثلى ...وانا احشش احشش بانتظام وبروية وبهدوء للغاية ...لا ترى فى الحشيش اهمية دعنى اقول لك فقط انتهى من لف تلك السيجارة وساحدثك..بالطبع اشرب الخمر فى الاعياد والمناسبات الرسمية... وغير الرسمية ايضا... واسرد الشعر واكتب القصة والرواية...وانا قارئ نهم ومتابع شرس ومعارض بقسوة جداا خالص يعنى ..ومحارب لا يريح السيف ابدا احارب الفساد فى كل الجهات بعد ان افعل مكالمة او مكالمتين لكى انال الرضا من الاسياد... لا اقصد الجن اقصد اسيدنا فى الداخلية بالطبع

-----------------------------------------
يتمركس بعض الأيام يتمسلم بعض الأيام
ويصاحب كل الحكام وبستاشر ملة
---------------------------------------

اها تعلم طبعا انى مسلم بالطبع فالاخوان كان لهم ثقل قديما اما الان فانا شيوعى شريف ومناضل عفيف
بل انا اهاجم الاسلام انا مثقف بقى ...لا تضحك...ساقنعك فى بلدنا لا يصح ان تهاجم الاسلام على مرة واحدة يصح ان تفعلها على دفعات...فلو فعلتها مرة واحدة مش بعيد ان يتم قطع لسانك ..او يتم نفيك و طردك لذالك يصح ان تترك الاسلام على مراحل لتصبح مثقف يصح لة ان يشار الية بالنعال...اقصد بالبنان .. لذالك يجب عليك دائما ان تردد مقولات مثل المد المتطرف للتيار الوهابى..والحجاب الذى يعيق افكار المراة ويحبس ابداع جسدها اقصد عقلها..و اما عن ماركسيتى فحدث ولا حرج فانا ماركسى اكثر من كارل ماركس بذات نفسة..صحيح انى لا افقة اساسا الى ما ترمز الماركسية ولكنى بالطبع ماركسيا مخلصا للاخ الرفيق يهود بارك...وانا اؤمن بالاشتراكية ..وهى كما تعلم تعنى التعاون لذالك يمكننى ان اقتبس بل انقل نقلا الكثير من الكتابات والارء التى لا افهمها البتة..والمواضيع التى قد اراها مضحكة او مثيرة للفهم او التى لا افهمها ..بما انى مثقف شديد الصفاقه...ويمكن طبعا فى حالة كشفى ان اقول انها ملكى انا او الجاء بخشوع الى حيلة تشابة الافكار ..والجدال..ساحدثك بسر..(انا بذات نفسى قد لا افهم معظم ما اكتب )...وارمى لذالك بفشلى على السرقة وقلة الحظ وبان جميع اعمالى قد سرقت ..ولولا الواسطة والمحسوبية لكنت الان اعظم من نجيب محفوظ اوشهر من نزار قبانى ...ومع ذالك فقد تعلمت مبكرا فائدة السرقة من الكتبات المجعلصة لان قراء الوجبات الخفيفة نهمين ويعرفون الفارق.. لذلك تجد اشترك فى كثيرا فى كتباتى مع كتاب فى حجم بو وشكسبيروماركيز وعبدة (صاحب كتاب اه يانى ياما من عينيك يا سى عبدة)وانا اهاجم الحجاب دائما وابدا واراى ان حرية جسد المراه وحريتنا فى رؤيته واجب ذو بعد قومى وشريف وعادل ونبيل وابرهيم وعلى وحسين ..

--------------------------
ياحلولو لو شفته زمان مهموم بقضايا الانسان بيتكتك لا تقول بركان ولابوتاجاز ولا حلة
--------------------------

وانا راعى راسمى مثل كوكا كولا...مع الفارق طبعا فى انى سوبر راعى لكل حملة ولكن من بعيد فاى حملة للافراج عن علان او فلان فانا اخوضها مع انى غالبا لا اعرف ذالك العلان ...واى حملة ناجحه فانا راعيها مؤسسها...وانا الراس المدبر فى الخفاء...لاننى مهموم بقضايا الانسان المصرى البسيط...واى حملة تخطئ فلان روادها لم ياخذو بمشورتى ...و انا اناضل نضالا من نوع خاص نضال بعيد المدى وصحى ومفيد وبعيد عن المخاطر لماذا لانة يجب ان يبقى المحررين من امثالى بامان..بدون الخوف من الاعتقال او التعرض للضرب او حتى للعنف اللفظى لماذا.. ليفكرو فى كثيرا من هموم الوطن كالرز باللبن ومستقبل طبق البسطرمة بالبيض...ولا مانع اطلاقا من ذكر انة تم تعذيبى واعتقالى وحيدا لانى من اهم الرؤوس,, ولا مانع طبعا من ان اسرد كيف تم ضربى وتعذيبى ولعبى صلح وعنكب شد واركب فى امن الدولة... وانا صديق شخصى لكل المثقفين وغير المثقفين من المشاهير ...واى مثقف توافه الله ورحمه اكون انا صديقة الصدوق وكاتم اسراره والرجل الخفى للغايه فى حياته والذى لا يعلم دورى احد حتى امه التى انجبته..فخذ عندك على سبيل المثال لا الحصر.. فنزار قبانى كثيرا ما اخذ رايي فى قصائدة..وكثيرا ما اختلفنا سويا...احم انا اصغر بكثير منة!! اها اقصد كان يختلف مع ابى..صحيح ان ابى كان عاملا باليومية ولكنة كان مثقفا..ومتخرجا من احسن الجامعات ..وحاصل على بكالوريوص ايوة بكالوريوص زراعة قسم دور عويجة...
وخذ عندك احمد فؤاد نجم...هذا لى معة ذكريات كثيرة اتعرف مرة خرجنى من امن الدولة اه والله..قالى يا د انت شبة صلاح جاهين بس جبان زية..هق هق هق..وعلى ذالك قس علاقتى بكل المثقفين والمشاهير عموما...
وعبد البارى السالطويسى...لا تعرفة...رحمة الله كان احسن بائع طرشى فى عين الصيرة حيث نشات

--------------------------
ايش حالك ياجريبى اليوم وايش جاب التفاح للدوم وايش جاب الأوضة ف بدروم للعربيه وفيللا
--------------------------


وانا لا اقبل الهدايا كلا البتة...ولا الرشاوى..ولا العمولات ولا السمسرة..انا رجل صاحب مبداء ولكنى اتنازل قليلا لاكسب راتب شهرى محترم من اكثر من جهه حكومية ومن اكثر من رجل اعمال يودعو فى حسابى فى بنوك اوربا..ولا مانع من ان اجد فيلا لقطة ب20 الف والارض التى عليها تساوى بالميت مليون ونصف صدقنى الحياة فرص..ولا مانع من تلميع بعض رجال الاعمال اصدقائى وذكر اننا نشأنا معا...وان قصة كفاحهم لا تخفى على احد..ولا مانع من ذكر عرضا اية قرانية او اثنين لزوم الحبكة...وان تذكر قصص كفاح وهمية ..وبالطبع الجميع سوف يصدقنى لاننى امتلك جرنان معارض شريف نزية..ويمكن اثبات معارضتى على الشرفاء بعد ان يتركو الحكم دائما بعد ان يتركوة..لذالك ترانى اقف ضد قضايا الفساد التى كشفها الجميع بالفعل..بمانشيت نحن سبقنا الاخرين

--------------------------

جرانين ومسارح وادارة ومعلق طبلة وزماره يسلك أهو بيزمر يعطل يجيبوا له المنفيلا
--------------------------

وانا ناقد ناقد كبير خالص طحن تقطيع يعنى...فانا انقد للنقد..ولهذا اجلس سعات لا اقراء الكتاب بل اقرا النقد الموجة له واعيدة واكررة ..واتدرب على ادائى امام المراة..ثم ابدا بالنقد وانا اسمع دفاع الكاتب وغالبا ما يكون دفاع لان وزنى ثقيل ككاتب اقصد بالطبع يا سافل فغالبا ما انهمك فى مداعبة قلمى وانا ابتسم للكاتب ابتسامة العارف ببواطن الامور ..وانا اقدس الاباحية..فهيا من جعلنى مشهورا من الاساس لذالك لا ادع شيئا لخيال القراء فانا اصف دائما كل التفاصيل..فلا اكتفى بمثلا هجم ابو محمد على ام محمد..بل اشرح واصف وكيف فعل ذالك وكيف ادى ذالك ولا مانع من ان اصف انها تتاوة واحول الكتابة الى فيلم للكبار فقط...وان سالنى احد اقول ..تلك هي احداث الحياة فلا تلومونى ولومو الحياة

-------------------
واترستق هلاب الدين بقى عاقل جدا ورزين ويا عينى علينا يا مجانين عشنا ومتنا بعله
القصيدة ..لعمنا احمد فؤاد نجم..
---------------------
محمد الغزالى مصر الجديده

هناك 51 تعليقًا:

نبضات يقول...

محاولة عبثية لقرائه أشخاص غير منطقية
اسجل اعجابى بالعنوان
عندما قرات البوست فى الاول توهت بين كلماته لا اعرف لماذا هل لان الكلام كبير وغير معتاد ام لتعجبى لتركيبه الشخصيات فى البوست وتناقضاتها بشكل يمكن لم اقابله فى حياتى الا الان
ام للاسلوب المستخدم فى الكتابه

البوست مميز لانه يدعوا للتامل فى هذه الشخصيات وفى الشخصيات اللى بنتعامل معاها ... لانه بيتعمق فى انماط شخصيه موجوده حولنا وان كنا مش بنفهمهم جيدا او بنكون مخدوعين فيهم وعجبنى جدا رسم هذه الشخصيات بهذا المستوى من العمق والدقه جعلنى احاول اتخيلهم وانا اقرا الكلمات وافكر فيمن قد اكون تعاملت معه يشابه هذه الانماط من الشخصيه وارى قد ايه الشخصيات بتكون جوهرها غير مايظهر منها

لى تحفظ بسيط ...عن ان تكون اللغه المستخدمه فى الكتابه اقرب للعربيه عن العاميه مع انى اعرف كتاب كبار يكتبون بالعاميه ولكنى اتذوق العربيه اكثر واجدها تضفى جمال خصوصا فى مثل هذا النوع من المواضيع والبعد عن شرح تفاصيل مثل لف سجاير الحشاشيش وطشة الملوخيه .....الخ هذه التفاصيل بحس انها بتقلل من جمال الموضوع او ممكن ذكرها بشكل افضل

تحياتى
بوست مميز
واسفه على الاطاله

Jana يقول...

"اها تعلم طبعا انى مسلم بالطبع فالاخوان كان لهم ثقل قديما اما الان فانا شيوعى شريف ومناضل عفيف "

هذه الجملة بالأخص قاتلة
وكأن الأخوان اصحاب ملة أخرى
ههههههههههه

تقول من يجد نفسه وسط هؤلاء
هم كثيرون يا أخى
ولا عجب أن كثيرا من المتسلقين ماسحى الخوج دائما "مع الرايجة" كما يقال
محاولين اللحاق بالركب..ولكنهم سرعان ما يكتشفوا أن المستقبل مع ركب آخر فيقفزون اليه ..وهكذا دواليك حتى يقعوا فى الوسط وينكشف أمرهم ...الا قليلا منهم يملكون من الدهاء وسرعة التحول كالحرباء ما يمكّنهم من الاقناع والخداع

الختام كان رائع
"يا عينى علينا يا مجانين عشنا ومتنا بعله"

ربنا يكفيك شر العله والنقطة

غزالى ...انا ابدأ يومى بالقهوة
اذن انا كاتبة كبيرة !!؟؟
هههههههههههههههههههه

محاولتك ابدا لم تكن عبثية

تحياتى الخالصة ..دمت متميزا

Gannah يقول...

سيدى الكريم
دعنى أحييك على قدرتك العالية فى وصف هذه الشخصية فلا يستطيع ان يفعل ذلك الا من فهم منطقهم ودعنى اسميه
"رجل لكل العصور"
فقد تمر مرحلة وأخرى وتتغير الشعارات وأمثاله يتلونون ويتبدلون فتراهم دائما فى انسجام مع ألوان اللوحة أحمر...أخضر ....أسود أيما ترائى للفنان
وقد شرح لنا منطقه بمنتهى الوضوح
انا ماركسى شيوعى اشتراكى راسمالى
..وارى كل الاشياء من خلال مناظير يصعب عليك ان تراها منها
حقا يصعب علينا ان نرى الأشياء بهذا المنطق حتى وان ساد ولكنه رجل قد حدد له هدفا وتدرب على الأدوار جيدا
"واتدرب على ادائى امام المراة"
هل رأيت أحدا يخلص لقضية مثله الرجل يتدرب ليتقن الدور حتى يصعب على الغلابة اللى زينا أن نفرق بين الحقيقة والتمثيل وعليك أن تنتظر عشرات السنين لتكتشف الحقيقة...أها الرجل غير من مبادئة
وما أعجنى فيه قوله أن الاشتراكية تعنى التعاون يا له من مجدد فيلسوف
--------------------------------
واراى ان حرية جسد المراه وحريتنا فى رؤيته واجب ذو بعد قومى وشريف

ويمكن اثبات معارضتى على الشرفاء بعد ان يتركو الحكم دائما بعد ان يتركوة

وان سالنى احد اقول ..تلك هي احداث
الحياة فلا تلومونى ولومو الحياة
---------------------------------
الرجل فسر لى ببساطة أشياء كنت أجهلها وأخذنى معه إلى عالم الكبار وعرفنى بقواعد اللعبة لعبة سهلة اذا فقط أعارنى المنظار

حقيقى رائع...أجدت و لولا أنى أعرف أنك خارج الدائرة لقلت أنك تهوى اللعب مع الكبار فكأنك عشت فى عالمهم ودخلت إلى عقولهم وفى النهاية لكل شىء منطق
ما يعجنى فى بوستاتك أننى أتفاعل مع الشخصية وكأننى أجلس أمامها لتحدثنى وكفاية كده ودعنى فى النهايةأحييهم كما قلت فأشير اليهم بالنعال للانجازات التى حققوها مافيا حاكمة ديمقراطية تمام التمام يا ريس
أخى أنت مبدع
تحياتى

جبهة التهييس الشعبية يقول...

ههههههههههههههههههههه

محض روح يقول...

محاولة عبثية لقرائه أشخاص غير منطقية .
:)
بس تعرف بجد كل حاجه حولينا بقى وجودها عبثي اوي
تحياتي

كوارث يقول...

الغزالي باشا
اؤيدك بشدة !
بشدة
بشدة
وان كانت الشخصيات المطروحة ينقصها بعد الشخصيات الاخرى بس هي حقيقية
وجميل انك تعري للبعض حقيقتهم ومكانتهم الحقيقية
يمكن يكونوا مش واخدين بالهم ولا حاجه
بس اانا عايز اقولك حاجه
كل الشخصيات اللي ذكرتها تعتبر وجوه لعملة واحده ظاهرها الوش بتاعه وباطنها النفاق والمصالح الشخصية والمجاملة على حساب الآخر
بحييك عالبوست جدًا
طارق

كيكى يقول...

رغم انى زعلانة منك مووووووووووووووت
بس مقدرتش معلقش
تحليلاتك للشخصيات..رائعة اكثر من رائعة
دومت متميز صديقى
سلام علشان الحق اشرب القهوة بالبن

همسات دافئه يقول...

محمد:))
طبعا اختيار العنوان تحفه
والتعمق الفظيع داخل الشخصيه بالشكل ده شئ صعب جدا محتاج قلم بارع فعلا رغم انى مش متخيله ان ممكن شخص واحد يكون بالشكل الى انت ذكرته ده او دعنى اقول لسه مقابلتش:)
الأسلوب بقى هو بسيط وسهل والتنوع بين الفصحى والعامى انا مش معترضه عليه بس لما تحط الإتنين فى جمله واحده ده بتعمل قلق فى القرايه ذى كلمه (يعنى)الى بتستخدمها كتيروذى كمان
وانا ناقد ناقد كبير خالص طحن تقطيع يعنى
بس كده
عامه بجد البوست عجبنى وسعدت بقرايته
تحياتى
شيماء:)

shayma يقول...

البوست ده حكااااايه يا محمد


بجد رائع بدايه من العنوان
للقصيده للاسلوب
كلها رائعه
والشخصيات مع تعليق القصيده تحفففففففففه

احيييييك بشده
عجبنى اوى البوست

سلامى
:))

عصفور المدينة يقول...

بجد انت مشكلة
:)
أنا كان نفسي أكتب موضوع زي ده بس بالإبداع ده فوق قدراتي

رئـــــيسـة حزب الأحلام يقول...

البوست فعلا مليان بافكار اشخاص كتير
اسفة على التأخير
تحياتى لك

نونو يقول...

معلش فيه شوية كلام كبير علي
مش عارفة استهجاه
بس فهمت كويس
والاشخاص الغير منطقيين دول كتيييييير وحدث ولا حرج
طريقة هايلة بجد
تحياتي

شادي أصلان يقول...

كلام بجد مهم
قراءه في اشخاص
ومحاولة منطقة ان جاز التعبير ماهو غير منطقي
بجد بوست مميز جدا
مزيد من التوفيق
تحياتي

بس اتمني انك بردو تقولي مين التلاته الي جابو سيرتي قدامك بالخير علي الاقل ياخي علشان اشكرهم

enjy يقول...

ايه الكلام دة ؟؟؟؟ لا جامد جدا ابداع الفكرة فى حد ذاتها صياغتها استخدام الالفاظ تضفير القصيدة مش ممكن تمل وانت بتقراها لازم تكمل للاخر ..... لابجد محترف

la3lahakhier يقول...

يا سيدى على الكلام على فكرة كنت هايل مع كاشف الخيبة الخايب ده
تعال خد واجب لك عندى انت وجنة وجنى وهمسات دافئة

mohra يقول...

ممتعه للغايه و بالفعل نرى الكثير من امثال هذا الشخص
لكن اتمنى الا تكون تعبيرا عن وجهه نظرك فى الاشتراكين عامه فلا اظنهم جميعا كذلك
تحياتى

إيمان العزب يقول...

مش ممكن ايه ده يابنى
كل ده شيله فى قلبك وساكت
لا تعجب فنحن فى زمن العجائب
دمت مبدعا مجددا

دعاء مواجهات يقول...

هههههههههههههههههههههه

صح هو العنوان دة اللى ينفع عنوان

عندى سؤال

انت حضرتك كنت نايم ونت بتكتب؟؟؟

بيس

عاليا حليم يقول...

بل انا اهاجم الاسلام انا مثقف بقى ...لا تضحك...ساقنعك فى بلدنا لا يصح ان تهاجم الاسلام على مرة واحدة يصح ان تفعلها على دفعات
------------
دى اكتر العبثيات الى بتغظنى
--------

سيدتك مارضتش على تعليقات البوست الى فات ليه ؟

امل يقول...

السلام عليكم ورحمة الله وبركاته
لانك قلت في البداية ان هذا البوست يعبر عن أشخاص بعينهم لذا فقد ظللت طوال قراءته اقارن بين الوصف والحقيقة علّي أستطيع أن اصل الى هؤلاء الاشخاص مما جعلني اقرأ باخلاص شديد ههههه واعيد القراءة أكثر من مرة ... خاصة ان اسلوبك يجعل القراءة ممتعة واعادتها غير مملة ... خالص تقديري لكلماتك الراقية

موناليزا يقول...

كوكتيل مميز حقا وينقصه بعض الشخصيات

PrInCeSS BeRy يقول...

اولا اسمحلى اقولك انك مبدع ما شا الله على سردك الجميل واكيد انت تعبت فية لانو ثرى جدا جدا بوست رائع يا غزالى بجد

تحياتى

سمراء يقول...

هؤلاء من اراهم عندما اتصفح المدونات
وهؤلاء من اراهم في مقاهي وسط البلد ويسمون انفسهم الفنانون المثقفون
وهذا كلنا في فترة المراهقة وعدم النضج
كتابة رائعة
سمراء

شهرزاد يقول...

الغزالي
بوست مبدع بحق
ولديك قدرة عالية على دراسة وتحليل
بعض النفسيات والشخصيات البشرية
أحييك بشدة

تحياتي

YOURS يقول...

كلامك جامد جداً وكللو سليم وصح جداً
معرفش الناس دى ليه كدا؟ ووصلوا إزاى إنهم يكتبوا فى أهم وأشهر صحف قوميه ومعارضه فى مصر؟ مع إنهم فى الحقيقه هم حثالة المتسلقين ثقافياً وإجتماعياً. وأنا شخصياً أعرف واحد منهم أوزيهم كان دكتورى فى الكلية وبيكتب الأن فى أشهر صحيفه قوميه فى مصر على إعتبار إنوا مثقف ويشغل منصب ذو حيثيه رغم إنوا حمااااار كتابه كبير أوى وأنا أدرى بى ثقافته أوى. وعجبى ولسه هانشوف.
إستمر ياحبيبى وهأقولك زى ما بنقول لعمرو (بس إنت تغنى وإحنا معاك).... (بس إنت تكتب وإحنا واراك).

د\أسماء علي يقول...

محمد الغزالي
ويبدو أنك تواصل طريقك في فهم البشر و دوافعهم وقرائتهم .
وظيفتك دوما أن تبحث عن المتناقضات وما يكتمون في نفوسهم ..
بالطبع البوست جميل جدااا
لكن ولا بد من لكن هنا
لكن
المتناقضات في البشر كثيرة
وأيضا هناك جزء خاص بحياتهم الشخصية
لعلها رتوش شخصيات
لكنهم كذلك
الكثير متخبط
فلا تلومهم
فقط أبحث كيف نتفادى التناقض ..
..
لك الحق في أن تتبعهم أو تتبع آخرين غيرهم
أو تصنع دربك ..
...
لكن القراءة موفقة إلى حد كبير
...
دمت رائعا عزيزي

جنّي يقول...

السلام عليكم أخي محمد

تغيير اللون في المخلوقات الحية كالحشرات والزواحف ( الحرباء ) للتخفي ووسيلة للهروب من الأعداء لتحافظ على حياتها أو لتحصل على غذائها .. فهذا سلوك غريزي فطري وهو سلوك محمود ..

أما التلون وتقمص شخصيات عديدة حسب المواقف للتدليس والنفاق وكسب المواقف من البشر فهذا سلوك مكتسب ( متعلم ) للحصول على منفعة شخصية وهو سلوك مزموم ..

لقد شبهوا هذا الشخص بالحرباء فظلموا الحرباء بسلوكه الوضيع ..

موضوعك جميل يا غزالي

لك واجب تفضل واحصل عليه

اوعى تفكر يقول...

ايه ده
انا تهت خالص خالص
بس يعنى محاوله جامده لتحليل الاشخاص الغير منطقيين اللى هما للاسف فى منهم كتير فى بلدنا اللى اول ماشالو الحزب الاشتراكى راحو الحزب الوطنى

shaimaa samir يقول...

الاخ الفاضل
لم انسى تعليقى فى البوست الماضى
وهو فى بالى وذهنى
ولكن زحمة الامتحانات التى كنت فيها
معذرة
ومعذرة مرة اخرى ان طلبت منك رايك فى اخر بوست عندى
فهوهام للغاية

موضوعاتك تحتاج الى تركيز وثقافة
فان وجدت احداهما دون الاخرى
فلا فائدة للتعليق

دمت بخير

rovy يقول...

احييك و اؤيدك جدا جدا جدا
مهارتك فى وصف الشخصيات و التعايش معها عاليه جدا ..
كشفت ايضا بمنتهى البراعه النقاب عن اناس يتقلبون و يتلونون حسب العصر و الحاجه و لا مبدأ لهم ولا شرف ..
حقيقى انت عبقرى و فيلسوف ..
دمت بخير و دمت مبدعا
تحياتى
rovy

عيله مفتريه سابقا يقول...

بصراحه بصراحه يعنى

اسلوبك لا يعلى عليه

توريه وسخريه وطريقة لجذب القارئ

دى حاجه

الحاجه التانيه بقى

انك اتكلمت عن ناس كتير ..مش شخص بعينه وان كان فى ناس كتير -بعينهم وجبايرهم- انت اتكلمت عليهم

انا بحب اسلوب المقتطفات ده اوى وانت كمان مدخل قصيدة عمنا احمد فؤاد راكبه على كل كلمه

يعنى بجد ناظمها صح

بس والنبى سؤال بينى وبينك

يهمهم؟!!!

سعيدة بجد بزيارتى ليك وسعيدة بزيارتك فى مدونتى المفعوصه

سلامى

break يقول...

يالهللللللللللى
انا مش قادرة اقرا اى حاجة فيها فهم وتشغيل دماغ خاااااااالص

حلو العنوان
بس انا عديت على الكلام بسرعة و مفهمشت حاجة لانى قافلة مخى زى ما قلتلك

شهيدة يقول...

سلام عليكم

ازيك استاذ محمد

طبعا عجبني بوستك كالعادة مع اني ما امعنتش القراءة فيه كويس أوي

بس اكتر شي عجبني القسم الأخير

انا بجد بكره الناس المدعية واللي بتمثل كل حاجة بتعملها

موفق ان شاء الله

تحياتي

Eman يقول...

أولا: العنوان أخاذ ومتميز
ثانيا: أسلوبك بجد بيدل علي عقلية متميزة
أحييك بجد علي البوست الرائع
وأشكرك علي زيارة مدونتي المتواضعة

سنووايت يقول...

العنوان يشد جدا بأحييك علي اختياره, انا دخلت قبل كدة وقريت بس ما علقتش

اولا هي محاولة غير عبثية بالمرة علي العكس تماما
اعتقد ان كلها شخصيات تندرج تحت مسمي واحد شاع وانتشر ووانتشر وانتشر
"المنافقون"

appy يقول...

طيب ابقى قول انك عامل بقى فزورة علشان انا مش بحبها خالص
عروستى بطيختى اى حاجه
هههههههههههههه
حلوة مع انى برضه خرفت شويه فيها وسبت خيالى سرح بعيد بس جبته تانى

زى الهوا يقول...

عارفة والله إنى اتأخرت جدااااا على التعليق هنا , بس حقيقى الكيبورد بتاعى كان بيشتغل فى كل المدونات واجى عندك والاقيه مش راضى ينطق ههههههههه


البوست رائع , اسلوبك عجبنى جدا , وتفكيرك عقلانى والسخرية اللى بتستخدمها جميلة جدا , وكدة فعلا حضرتك عبرت عن فئات كتير وبطريقة جميلة , باحييك على اسلوبك وافكارك والعنوان كمان

walaa يقول...

فعلا انهم اناس موجودين فى الحياه
منهم المقلدين حقا كما قلت مقلد وخلاص
باين عليه عنده عقده من الاسلام
فقلك نقلد الماركسه وخلاص وهو فعلا لا يغنى هذه الكلمه ولا يدرى ماذا حملوا للعالم من دمار
عقل وقلبه مغيبين
اما الناس اللى بتجرى ورا المال ومش مهم جابو المكسب منين مش عارفه هما نسوا اللى فى يوم حساب ولا ايه

اما اللى بيجرى ورا شهواته فاتمنى من الله ان يفيق قبل فوات الاوان
تحياتى لقلمك المبدع
اول زياره ومش الاخييره

hamssah يقول...

صديقي الغزالي
انا حقول احساسي واجري على الله
انا حاسه اني في عرض خاص من عروض المسرح التجريبي وقدامي ممثل متمكن جدا جدا من الشخصيات اللي بيؤديها متخيلاك لابس اسود وبتتنطط على المسرح وتخرج من شخصيه تدخل التانيه بمنتهي الخفه والبراعه
بجد برافوعليك
همسه

GiGi يقول...

تحياتي وربنا يكرمك حقىقى اسلوبك جميل فى الكتابه

alqassam يقول...

مبارك فى مصلحتك دائما ......جديد على مدونة القسام

Rosa يقول...

ملحوظة قبل البداية...
هذا البوست يعبر عن اشخاص بعينهم...واى شخص يرى نفسة فى ذالك المقال ويرى افعاله...فهو ذالك الشخص الذى اعنية..وهو للامانة كوكتيل من بعض الاشخاص..
وان اعتبرو كلامى هجوما..فنعم هو هجوما
---------------
جامده
:)
مش مايا انه بقى حوالينا كتير؟؟
و كل يوم المجتم بيطلعلنا نسخ منه اكتر و اكتر و على شكل ابشع؟
ربنا يستر من الجاي
اسلوبك كالعاده يا محمد ... رائع و مميز
:) :)
في انتظار المزيد

نبض اسكندرية يقول...

واكثر من ذلك بكثير


بوست هايل جدا

دمت بخير وخالص تحياتى

كيكى يقول...

عوووووووووووووووووووو انا جيت اتخديت
.................................
امممممممممممممممممم مفيش جديد ليييييييييييية

قلمي يقول...

جميل قوي قوي قوي
بجد اسلوب ساخر رائع

تسلم ايدك .... بس بعد البوست ده يتهيقلي ان صحابك اكيد هيخافو منك

سمية يقول...

مش عارفة اقرا و لا اعلق
بس كل شوية باجى اطل عليك عشان اطمن عليك
بقالك حبة مختفى
يا ريت تطمنا عليك

love River يقول...

بوستك ساخر وزى ما قلت عبثى مش عارفة ليه حاسة فيه بحزن
بالتوفيق يارب

سكينة يقول...

التلون بكل لون وسيلة للحفاظ على الذات زودها رب العالمين لأضعف المخلوقات لا اسنان يا حرام ولا عضلات يا دوب شوية مخ على قدهم يقدر الأخطار وبسرعة يتلونوا
اقرأ عن الحرباء
:)
ومن يتفكر ويتعلم من خلق الله كلنا هنحبه ونقوله شاطر شاطر
:(

كاشف الاوهام يقول...

اتفلوا شوفوا الجهل بعينكم

http://scandal--blogger.blogspot.com

عصفورى الحبيب كى جى ون بتنادى عليك

RAMA يقول...

لي رأي وهو

"جمعينا بداخلنا شخصيات غير منطقية"

زهرة يقول...

أولا أسجل أعجابي بالعنوان

فعندما قرأت البوست لأول مرة بصراحة شديدة لم أفهم شيء ولم أشعر الا (بلخبطة )داخل عقلي وقمت بقرائته مرة ثانية فأعجبت به جدا
البوست فعلا مميز للغاية وكأنك بحق أبحرت داخل كل شخصية من هذه الشخصيات وتعمقك جعلني أتخيله أمامي وكأنني تعاملت معهم من قبل

أما بخصوص النهاية فأحييك عليها فهي رائعة والبوست كله مميز...وربنا يكفينا شر العلة

تحياتي لك
أعتذر علي الأطاله