اخر ما كتبت على مدونتى الثانية
حيل الدفاع النفسى 2 يمكنك قرائته من هنا..

6/01/2008

رسالة شكر

قبل البداية ..جائتنى الكثير من التعليقات التى اسعدتنى للغاية فى البوستات السابقة...بجد كنت فرحان ومظقطط كدة حلوة مظقطط دى
ربما لان الكثيرون اعتقدو اننى بطل القصة وانى اروى قصتى ولان الاكثر تكلم على ان القصة حقيقية بجد بجد اسعدتنى للغاية تعلقاتكم
وشرحت نفسى كدة بقيت مسبرنشق ...اعزائى شكرا لكم ..بحق شكرا لكم..حتى من جامل برد حتى من اكتفى بالمرور مرا من فوق كلماتى
اشكركم بشدة...عارفين...حلوة عارفين دى سعات كتير كنت بحس انى مش بعرف اكتب اصلا...يعنى بس بعض التعليقات تجعلنى اعتقد
اننى ربما اجيدها فعلا...ادمنت الكتابة..وقرائة التعليقات ..وانتظارها ايضاء...
والدخول كل فترة لعمل تحديث (ريفرش للصفحة ) واسعد بوجود تعليق صادق ...اصدقائى جميعا,,

بحق شكرا لكم...

محمد الغزالى...

مصر الجديدة


هناك 27 تعليقًا:

دعاء مواجهات يقول...

اولا يا برنس متشكرناش على رأينا لاننا مش بنجامل دى حقيقة واقعة بالفعل لانك بتجيد فعلا تجسيد الأحداث
واهم مايميز الدقة..

اما القصة التانية دى بقى فهى فعلا جذابة دا اولا

ثانيا حلو اوى انك تركز فيها على درس معين

ثالثا وهو الاهم القصة كانت ماشية فل الفل ع رايك

وفجأة قلبتها ف الآاخر كان ممكن اوى
تطول فيها اكتر ليس لمجرد هدف الاطالة ولكن لتعميق المعنى والمغزى

بس بجد

بيس البييس

وفل الفل

آآآآخر تمامووز

تحياتى ياكبير

david santos يقول...

I loved this post.
Happy week

دعاء مواجهات يقول...

مظبطينك احنا

واول تعليقاات اهوة كل مرة

احفظ الجمايل بقى

سلااموز

ذو النون المصري يقول...

مفيش مجامله فعلا في تعليقاتنا
انا قرات الشوارع حواديت كامله و مدهشه فعلا
يوم بيوم مع الاحداث و اعتقد انها تستاهل ان تتحول الي فيلم
لانها محبوكه و مش سطحيه في احداثها او شخصياتها او حتي موضوعها الاجتماعي و شخصياتها بتترقي لاعلي باستمرار مع استمرار القصه
يعني فيها ديناميكيه

همسات دافئه يقول...

عزيزى
لو لم تستحق كلماتك أن تقرأ ما كنت أدمنت قراءتها... ومرارا
انا الى شكرا انى اتعلمت من كتابتك كتير
وشكرا انى بجد استمتعت بالوقت الى بقضيه فى صفحتك
حس انت الى تحسه بس المهم مش تبطل كتابه
شكرا
شيماء:)

wanna b a physician يقول...

ياسيدى والله ما بنجامل عارف لو بنجامل
هتلاقى الكلام مجرد
كويس مستنين الاحسن وهكذا
لكن ياعم الحج انت موهوب بجد
والله فنان ياعم بجد
تحياتى

ٍSOU يقول...

اييييييييية مين دة اللى مش بيعرف يكتب !!! :O
دة على كدة بئة ان اروح فصول محو امية :))
عارف..حلوة عارف دى ;) غالبا لما بقرء القصة القصيرة اللى بتكتبها مش بعلق عشان مش بعرف ارد اقول اية بس يكفى انى استمتعت بيها ..صح :))

كيكى يقول...

انت مش بتعرف تكتب....اروح اولع فى نفسى ولا اعمل اييييييييييييييييية...بتغظنى ولا اييييييييييية....حد غيرك يقول الكلام دة....فين الجاز ياما..فى شعرك يامنيلة..خلصتى كل الازايز ومفيش فايدة برضوا...خلاص ياما مش وقتة احنا قدام الناس..عجبك كدة

المـــفـــــــقــــــــوعـــــة مــرارتـهــا يقول...

انا قريت البوست اللي فات وعجبني
البديل جميلة وتستحق عليها كل الثناء

rovy يقول...

لا شكر على واجب اخى الفاضل فنحن اكيد لا نجاملك فأنت تستحق فعلا كل ما يكتب لك وعنك ..
اتمنى لك دوام التوفيق
خالص تقديرى
تحياتى
rovy

amal يقول...

مين ده اللى مبيعرفش يكتب صحيح !!
امال انا اقول ايه دنا عامله المدونه دى حاجه كدا فانتازيه :)

انت بتكتب القصص باسلوب حلو اوى ومشوق
عايزين كتير بقى
انا مليش فى الكتابه بس بحب القرايه جدا
وانت من اكتر الناس هنا كتاباتك شدتنى
بالتوفيق يا محمد

امل يقول...

السلام عليكم
يعنى بس بعض التعليقات تجعلنى اعتقد
اننى ربما اجيدها فعلا....

بالطبع انت تجيدها!!!!
وانت تستحق اكثر مما كتب لك
وكلامك ده يدل على انك شخص متواضع
ربنا بوفقك يارب ونشوفك من كبار
الكتاب في مصر
تحياتي

تــــــــــ(حـنة)ـــــــر يقول...

هى دى اول زيارة
و بصراحة مش عارفه مين يودى على فين لانى مش متابعه
لكن عاجبنى بوح التواضع الموجودة دى و كمان التقدير .
وفقك الله
وتحياتى
تمر حنة

shaimaa samir يقول...

هذا البوست يدل علىامران

*ذوقك ورقيك فى التعاملات البشرية

*رد فعل التشجيع والكلمةالطيبةعلى الانسان ومدى سعادته بها

وفعلا مااعظم اجر ادخال السرورعلى قلب مسلم

وفقك الله

تحياتى

روينا يقول...

اولا انا عامله زى الاطرش فى الزفه
هو فييييين الاجزاء اللى فاتت
كل شويه ادخل اضغط على الارقام وملقيش القصه

جنّي يقول...

توكل على الله واستمر وبالتوفيق في كتاباتك ..
ولا شكر على واجب ..

همس يقول...

معلشى اتاخرت فى التعليق

سمحنا باه

بس بجد بجد هيا قصة حلوه جدا

والاحساس عالى اوى



ربنا يوفئك ومستنيه القصه الجيه بفارغ الصبر

علشان انا بحب جدا القصص


تحياتى

سمية يقول...

لأ
متحولش تقنعنى ان القصص مش حقيقية و انك مستمدها من حاجات حصلت حواليك

صحيح
اخبار العصفورة ايه
هافضل ورا موضوع العصفورة ده لحد ما اجيب قراره

دمت مبدع و ادام الله عليك الاستمتاع بقلمك و تمتعنا به

تحياتى و احترامى لقلمك و عصفورتك

harmless يقول...

تعجبنى مواهبك
وتعجبنى شخصيتك
وتعجبنى افكارك
وتعجبنى اراءك

يعجبنى تواضعك الذى يغلف ثقتك بنفسك برداء متحضر
يعجبنى فهمك للناس وادراكك لاسباب نفورهم واسباب ارتياحهم

ولان لكل فكر غطاء ومرجعية
فالحقيقه انا تعجبنى مرجعيتك

تحياتى

maiosha يقول...

لو كنت حبيت تعليقاتنا فعلا يا محمد فعلشان هى طالعة من القلب لإنك فعلا إنسان موهوب ما شاء الله عليك

ربنا يوفقك ومستنين حاجة أجمد من البديل كمان

نبضات يقول...

كتاباتك فعلا جميله وعميقه وعالم التدوين مافهوش مجاملات لاننا مش نعرف بعض فاحنجامل بعض ليه!وكمان اعتقد شخصيه مثلك فى عمقها واحساسها العالى ومعرفتها بقرأه مابين السطور تستطيع التمييز بين المجامله والتعليق الصادق بس بجد كتاباتك جميله ومتميزه
مع تحفظ بسيط البعد عن الحلف بغير الله


تحياتى
سعيده بمعرفة مدونتك

lyssandra يقول...

عارف اللي يخلي الناس تتخيل انك بطل القصه وانها قصه حقيقيه .. ده بسبب مصداقية الكلام واحساسه العالي .. لأنك ماكنتش بتكتب اي كلام .. واللي قريناه بيقول انك كنت عايش القصه أوي فلو مش كنت عايشها بالفعل وقدرت توصف مواقفها بالبراعه دي .. فده بيخليها حاجة جامده تستحق عليها تحيه وتستحق انها تعجب الناس فعلا
وبعدين ايه مش بتعرف تكتب دي ..
هوا انت عندك حق ساعات الواحد بيحس ده .. بس مش انت اللي تقول كده بقي .. ولا ده تواضع ولا إيه ؟؟
وفعلا قراءة التعليقات بتبقي ممتعه جدا لما تحس ان حد بيقرأ اللي بتكتبه وبيهتم انه يسيب رأيه ..
حتي لو مش متفق معاك ..
الأجمل بقي لما ترد علي الناس دي كلها ..

احنا كمان بنشكرك جدا وسعيدة اني وصلت لمدونتك رغم انك وصلت عندي الأول ..

نستني بقي قصة جديدة ؟؟
لو نزلت قصة ابقي سيب عندي إخبارية

سلام يا محمد

lyssandra

Desert cat يقول...

لا شكر على واجب ياباشا احنا بنقول الحقيقة مش بنجامل .. يسلم كيبوردك اللى بيتكتب لنا حاجات جميله .. ادينى بشكر الكيبورد والماوس والجهاز هههههه تحياتى

Gannah يقول...

انا قارئة جديدة للمدونة قرأت قصة البديل و اتمنى ان يتاح لى الوقت لقراءة كل ما فى المدونة فالتميز واضح جدا ويمكن معرفته من بوست واحد
اكيد سأكون قارئة دائمة ان شاء الله للمدونة
تحياتى

RAMA يقول...

إممم... مشب ايه ... مشتبرنق.. إلا هو يعني ايه؟؟ الله يخليك مش تخليني حيرانة كتير وتقولي معنى الكلمة

بص أنا جاية اثبت وجود كالعادة والمداخلة بتاعتك دي على "حسب كلامك يعني" بتقول إنك يعني بتكتب حلو .. على العموم الحكم مش للكاتب ولا للجمهور الحكم للناقدة الكبيرة العظيمة راما ولا عندك كلام تاني ؟؟؟

هههههههههه

على العموم ... ان شاء الله حعيش هنا قريب ... أصلي بحب الروايات أوي والقصص .. هو أنا دماغي اتلحست من شوية

سلامات يا مشبرنق

:)

كلمه يقول...

3la fekra ana ma2retsh elkesa el2a5eera de .... bs lw 7aseet enk malksh feeha w mabt3rfsh tekteb teb2a 3`altan bgd

i don`t comment here much .. but i REALLY like ur writings

خديجة عبدالله يقول...

جميل جدا جدا

ربنا يزيد ويبارك وينفع بك إن شاء الله وتقبل مرورى ودمت بكل خير