اخر ما كتبت على مدونتى الثانية
حيل الدفاع النفسى 2 يمكنك قرائته من هنا..

5/10/2008

الجزء الثالث... بدء التكون






تستيقظ وانت متغير قليلا لا يهم منذ متى وانت تهتم بتلك الاشياء تلبس بدلتك تنظر الى ملابسك القديمة وتبتسم وتعقد
كرافتك الانيقة وتشرب قهوتك الصباحية التى اصبحت من عاداتك فقط لكى تستطيع ان تتعامل مع البشر تهبط درجات
السلم مدندا اغنية لا تذكر اسمها بالفرنسية تركب عربتك وتنظر الى الاسطونات اى شئ ستسمع
مدامت الاسكندرية فلتكن فيروز تدندن
وانت تفكر فى اى الايام ستواجه
------------------------------------------
تعرف انك بقيت غريب اوى
غريب ازاى يعنى
انت مش بتتعب انت مش عارف بقالك كام يوم منمتش
4 ايام بس مش منمتش انا بريح سعات
انت بقيت لية كدة
كدة ازاى يعنى
لما تكلمنى بتطل تكتب على الكيب ورد
مقدرش دى بورصة لو بطلت هاخسر
هاتخسر؟
يب وهاخسر كتير اوى
مش بقولك اتغيرت
ومين فينا متغيرش يا فيروز!
-------------------------------------
مستحيل عايز تقنعنى ان دة يوسف المصرى مستحيل الاسطورة دة هو الشاب الصغير الى قدامى ده

لا مش عايز انا هاقنعك
حسن يا حسن
ايوة يا محمود بية
مين الى هناك دة
دة يوسف بية
يوسف المصرى؟
ايوة يا باشا
صاحب شركة رماح جروب للاستيراد ؟
يلتقط الكوب من امامك ويمسح الزجاج ويهمس بصوت خفيف
يا باشا يوسف بية صاحب حجات كتير كتير اوى
------------------------------
صوت فيروز هو ما يعيدك بشرى كما كنت ..شط اسكندرية يا شط الهواء,,اهى تغنى ام تتلو التراتيل...الموعد اليوم فى الاسكندرية...لم اختار جدك هذا المكان بالذات...غريبة
محمد بية اتفضل ...
ازيك يا فؤاد الجد جة...
من بليل ومستنيك اتفضل
----------------------------------
عزا ابوك ميتاخدتش هنا يا محمد ميصحش ...
نعم!
انت مسافر معنا الصبح علشان تاخد عزا ابوك وسط اهلة...وكفاية اوى انكم دفنتوه هنا دى عيبة كبيرة اوى يا ولدى
مسافر فين
قنا بلدك...
انا مليش بلد غير هنا ومعرفش اصلا مين كل الناس دى..ولا مين جدى دة ولما هو موجود من زمان لية اول مرة اشوفة
اخرس
ماما!
اخرس واسمع كلام عمك...ومتسالش روح بلدك واعرف اهلك...والى بين ابوك وبينهم ملكش دعوة بية دى وصيتة
فى ذالك اليوم لم تنام ... لازلت تذكر سفركم فى الصباح ..تذاكر الطيران المحجوزة سلفا الطائرة العربات التى كانت تنتظركم خارج المطار لتنهب الارض نهبا الى قنا...بلدكم
هناك عرفت من يكون جدك بحق
----------------------------------------------
انت كنت فين كل دة
بلاد الله لخلق الله يا اكرم ازيك
انت بتتكلم كدة لية ياعم واية الى فى جمبك دة
دى بارتة
ازاى يعنى انت شايل سلاح لية اصلا بلاش هبل هايتقبض عليك ان شاء الله حتى لو صوت ,,
دة مش صوت ومتخافش دة مترخص
وانت مرخص سلاح لية ان شاء الله علشان اية ..
عادى انى ارخص علشان عند طين
طين فين فى البلكونة! فى اية ياعم
مفيش ..انا مش مذاكر وعايز اقعد معاك الايام دى اراجع شوية ممكن
طيب ما تبات فى بيتكم
يووووووووووة
ياعم خلاص بس نزل دة فى العربية
ماشى تيجى نتمشى شوية وبالمرة تجيبلى الهدوم من البيت
اوك... اية دة عربية مين دى
عربيتى...
اوبا الجيب دى عربيك كل دى انا كدة فهمت انت بقيت تاجر مخدرات صح...
ههههههههههههه..اركب واخرس

---------------------------------------
بابا هو لية كل يوم جمعة بنمشى كل دة

علشان مينفعش نصلى الجمعة فى الجوامع الصغيرة

يا سلام طيب ما احنا بنصلى الفجر فى الجوامع الصغيرة

ههههههه ايوة بس دى حاجة ودى حاجة

طيب ما نروح بالعربية ...

ونخسر الثواب كل خطوة للمسجد بتشيل عنك خطيئة وذنب

ياة يبقى انا هعد كل حاجة عملتها غلط وانا بمشى واروح للجامع البعيد اوى

هههههههههههههههههههه
-----------------------------------------------------------
عمير ...
جلال مرحب مرحب بابن عمى..

ازيك يا جلال اخبارك اية
الحمد لله

فينك ...

مشاغل انت لسة بتعدى الحدود...

مش علطول...ها قولى ...فينك لسة مع اكرم ويوسف

ايوة يا سيدى...

وفى فوج كبير المرة دى وعايزين نظبط البروجرام معايا فى العربية

طيب واية مستر x عارف انى معاكم

هههههههههه

يوسف
اة
تخيل انة موصى بيك ..

غريبة
--------------------------------
دة ملفة يا محمود...
من النهاردة مهمتك تعرف مين دة بالظبط نشاطة توسعاتة عايز ملف شامل عنة فاهمنى!
كليم الله...
اسمة غريب اوى يا افندم
مش اسمة بس الى غريب يا محمود
هو كلة عبارة عن حاجة معقربة كدة...
تخيل البنى ادم دة معداش ال30 سنة ...ويمتلك 4 شركات من كبرى شركات البلد منهم شركة سياحة بقت غول كبير اوى للسياحة فى مصر..والرماح للاستيراد والتصدير ودى الى واخدة صفقة مصر للطيران الاخير فاكرها...
اكيد يا افندم
طيب والشركتين التانيين
دول الاغرب يا محمود بجد واحدة فيهم للتنمية العقارية والعقارات ودى بتشترى اراضى فى مناطق غريبة بتعلى بعد ما بيشتريها بشهرين 3 وبشكل بشع
والثانية بتاعت تصنيع مواد غذائية فى العاشر ومصنعها لسة تحت الانشاء ... وفى حاجة غريبة اوى ...
انة نضيف جداا نضيف اكتر من اللازم لواحد فى سنة...عارف لما تغمض عيونك وتفتحهم تلاقى وحش
الراجل دة كبر اوى وفى فترة قصيرة ويهمنا نعرف هو مين... ومين وراة ومن غير ما يحس..
فاهمنى يا محمود من غير ما يحس احنا منعرفش وراة مين ...اجمع اكبر قدر من المعلومات وارجع
باقل خساير مش مهم تعرف حاجة المهم انة ميعرفش انك بتدور وراة ..وكلامى يتنفذ بالحرف
وتنصحنى ابدا منين
من شرم الشيخ ابدا من شرم يا محمود...
--------------------------------------------------------------
نضيف يا باشا...
اتفضل يا يوسف بية...
نظرت الية بعينيك ..نظرة باردة للغاية باردة لدرجة ان اشعرت الرجل بقشعريرة خلف ظهرة ...
شكرا...خير يا باشا!
فى اية يوسف بية مين زعلك بس
مش انا يا باشا الى رجالتك يفتشونى..دى عيبة ولو دول فى الصعيد مكانوش عاشو علشان يشوفو شمس بكرة
وانت عارف كدة كويس...
يا باشا دى اجرئات امن وبعدين دى بوابة انت عديت منها محصلش حاجة
لا حصل انا محدش يقولى عدى منين يا باشا...المهم خير!
لاول مرة فى تاريخة يشعر اسعد البغدادى انة امام طراز جديد غير اولئك الذين تعود ان يتعامل معهم ...
لاول مرة فى عمرة بالكامل يشعر بانه يتعامل مع احد على قدم المسواة..
ماشى اتفضل يا باشا وهنتفاهم...
جلس امامك وصمت
شرحت لة طبيعة طلبك ..تعلم ان لا احد فى مصر غير تلك العائلة هو ما سيجيبك الى طلبك الغريب انة لم ينبت بحرف سمعك حتى النهاية وبصوت بارد ...
والسعر...
على اساس انك تقدر تجيبة؟؟
السعر يا باشا
شعر اسعد بان المرواغة لن تفيد...لذالك اجاب بكل سرعة...
الى هاتححدة يا باشا بس هو
قاطعتك وقفتة يبقى ميعادنا بعد اسبوعين...وياريت تفهم الناس الى برة تبقى محترمة اكتر من كدة
-----------------------------------------------------------
ولا يا منيل ....
اية يا عم اصحى فيروز بتتصل...
بجد
اه
الو
انت فين كل دة كنت فين رد طمنى انت معايا
براحة براحة...
كنت مشغول
مشغول يا سلام وكل دة انت بتهرج صح دة
بحبك
انا مش يووووة
والله العظيم بحبك
وامام عينيى اكرم تحول صديقة الرجل جداا الصلد جداا الى طفل صغير طفل صغير وجداا

يتبع ....

محمد الغزالى .. مصر الجديدة

هناك 25 تعليقًا:

hamssah يقول...

لحقت اول تعليق
مممممممم انا حبتدي بالمقطوعه الموسيقيه عايزة اقول انها اول حاجه شدتني تحفه ..وخدتني على الصور الجميله نقلتني من مكاني لهناك على طول
سردك للاحداث جميل متسلسل وواضح ان عندك القدرة على رؤيه التفاصيل وتزكرها متشوقه لمعرفه المزيد
همسه

hamssah يقول...

سؤال نسيت اسأله
الشوارع حواديت فين ؟
همسه

ro7 يقول...

بوركت علي تشريفكم لي
في مدونتي ولي رجعة مرة اخري
لقراءة الحلقات كاملة
اعانكم الله
تقبل خالص تحياتي

monaliza يقول...

اسلوبك هائل فى سرد الاحداث
بالتوفيق دائما

mayada يقول...

جميله بجد وبصدق بجد حلوه قوي
وبعدين عجبني اسلوب الانتقال السريع بين الاحداث بيشد جامد جدا
الاحساس ده انا محستهوش غير مع روايه
شيكاغو عشان كده خلصتها في يوم واحد
وعندك هنا للمره التانيه تحياتي
امممم
اه صور اسكندريه اللي في الاسليد شو
تحفه
تحياتي

Rosa يقول...

حمدالله عالسلامة
أخيرا دخلت الصفحه دي و لقيت الجزء التالت
:)
كالعادة يا غزالي
لا تعليق مناسب
بدخل في الأحدتث بشكل فظيع بتخيل شكل كل حد و صوته و مكانه
بجد رائعه
في انتظار المزيد
تسلم ايدك

dandana يقول...

لازلت انتظر المزيد

فقط اعتقد اننى ساستمتع كما الشوارع حواديت


موسيقى نصير رائعة....
ومناسبة

فقط للتأكد من معلوماتى...
هل هى رقصة الفرس ام ماذا...؟

تذكر..انت لم تات لى برابط موسيقى مارسيل خليفة التى صاحب الشوارع حواديت

خيال انثــــــــــــــــــــــــــــى يقول...

جميله جداا

تمنياتي لكِ بتوفيق

كوني بحب

بنت القمر يقول...

من هنا مررت واعد بالتابعه
ومحاوله قراءه الروايه
تحياتي

PrInCeSS BeRy يقول...

تسلم ايدك جميلة اوى للاماما ان شاء الله دايما

dina seliman يقول...

هنا فى حكايه غريبه
عاوزه كبايه شاى واقعد واقول ياهادى
انا قريت الاول والتانى
وحاسه فعلا بشئ مختلف مميز
هقرا التالت اهه
ومستنين الباقيه

Desert cat يقول...

حاسه بحالة تحول غريبة من مشهد للاخر وشدنى معاه للانتباه ان دوام الحال من المحال
الجميل ان تخلله دائما فيروز وانا من عشقها ..
تحياتى

Sally يقول...

ما شاء الله
أسلوبك الروائى جميل ومحترف
بورك قلمك وفكرك

تشرفت بزيارتك اخى فى مدونتى
اتمنى دوام التواصل

دمت بخير
سالى

كاميليا يقول...

من اجمل اساليب سرد الروايات
هو اسلوب السهل الممتنع
وانت تمتلك مفرداته باتقان شديد

تحياتى واحترامى

عاليا حليم يقول...

حمد الله ع السلامة

انا بقراها براحتى اهوه

rovy يقول...

السلام عليكم
سعيده جدا بمرورى فى عالم روايتك الساحر
اسلوبك فى سرد الاحداث مميز و مبدع ..
قرأت هذا الجزء فقط واعد بالعوده قريبا لابدأ من الجزء الاول ..
وفقك الله .
خالص تقديرى
تحياتى
rovy

Doba يقول...

حلو قوى كل حاجة لوحدها عاملة تفرد يستال تعليق لوحده بس بجد بتكتب حلو قوى قوى

ربنا يبارك فيك
تحياتى
هبة

tamer.sala7 يقول...

الانتقال السريع ده ساعات بيلغبط بس انت برافو عليك متحكم فيه كويس

ايمان العزب يقول...

اولا: اشكرك لزيارت مدونتى .
ثانيا: ارجو انك تكون بتنشر ابداعاتك دى فى اماكن اخرى غير المدونة .
ثالثا: ارجو ان تعرف بنفسك اكثر وماهى صلتك بالشيخ الغزالى رحمه الله والذى تحمل نفس اسمه.
رابعا: اسلوبك متميز وبيحتاج تركيز ولكنى احب هذا الاسلوب لانه بيشغل العقل بس محتاجة ادخل فى القصة اكتر علشان تتضح الصورة ،رجاء اكمل بسرعة شوية.

Jana يقول...

هذه الجزؤ بالأخص وضع خطوطا أعرض لمخيلتى كى تسبح فيها وتتخيل ولكنها لا تجروء على التوقع
لازال الغموض ...ساحر

اختيارك للقطعة الموسيقية المصاحبة للقصة ....اكثر من مناسب

رجااااااااء ..لا تتغيب مرة أخرى فى تصوير الجزء الرابع
كلمة تصوير هنا ..لأنى أشاهد وأسمع ..لا أقرأ

تحياتى الخالصة وتقديرى

la3lahakhier يقول...

ماشاءالله ايه ده كله
احلى حاجة عجبتنى
(صاحب شركة رماح للاستيراد )
كل التحية

amal يقول...

اسلوبك فى السرد ما شاء الله بجد جميل جدا
والمشاهد اللى اتكلمت عنها عجبنى فيها اهتمامك بالجانب الدينى فى المشهد الى المسجد البعيد

ربنا يوفقك وفى انتظار البقيه

dr.Roufy يقول...

استغرقتني كلماتك طويلا , ولامستني معانيها
ربما لأن صوت فيروز يتسلل الى أذني الآن
:)
ليالي الشمال الحزينة
عودٌ أحمد..وأروع عزيزي
دُم بخير

غير معرف يقول...

هو باقى القصه فين ؟؟؟؟؟
هتكملها امتى ؟

غير معرف يقول...

الرواية حلوة اوي .. محتاجة تكمل بس