اخر ما كتبت على مدونتى الثانية
حيل الدفاع النفسى 2 يمكنك قرائته من هنا..

9/28/2007

الثانى ..الدوامة

لقراءة الجزء الاول انقر هنا

الجزء الثانى

انت بتسوق بسرعة لية كدة

وانت بقيت رغاى كدة من امتى

لا مش رغاى انا بس علشان جيت على الجرح...

نظرت الى عينية والى الطريق واكملت ...

طيب ولما انت بتحبها يا بنى ادم اية المشكلة لا انت فقير ولا

اكرم كفاية بقى

لا بجد فهمنى

لانها اطهر منى يا اكرم لانى هانجسها فاهمنى

بس

مش بس فيروز انقى واطهر منى ومنك الف مرة والموضوع دة يتنهى فاهمنى

ادارت الكاسيت لتدور اغنيتك الحزينة...

ليالينا ليالينا,,,

----------------------------------------------------------------
انت اول مرة تيجى هنا...

انا اول مرة اشوف كل الجو دة اصلا يا خالد..

هههههههههههههه ماشى يا باشا

كان صدرك يضيق بحق من الدخان ومع ذالك قبلت سيجارتة

دى محشية؟

حشيش.؟

بالظبط


نظرت فى عينى الفتاة التى تصب لك كاس البيرة وابتسمت وشربت السيجارة

الدخان كثيف وادمع عينك والفتاة ابتسمت


لا لا مش كدة

متنفخش اكتمة اكتم الدخان علشان يوصل للدماخ

لم تفهم حتى الان ذالك التاثير السحرى للمخدر انة ما يجعلك تتوافق مع نفسك ..

ما يجعلك تسمو فوق كل شئ وخاصة انة جعل درجة تركيزك تزيد وتزيد

تحب تسمع اية

اية؟

ايوة انت يالى سرحان انت

انا ؟

ايوة تسمع اية

الاغنية الى غنيتها لما دخلنا ..

ليالينا؟

ليالينا

-------------------------------------------------------------------------

السيجارة يا ابنى

اية؟

لا ابدا هاتحرق نفسك..

القيت بعقب السيجارة قبل ان يحرق يداك

مش كفاية نكد بقى؟

نكد

يا محمد كتير بجد كتير لياليكو الله يخربيتها مالى انا ياعم

هههههههههه طيب يا فقرى..

قولى بقى اية المشكلة الى كانت فى الحجوزات

لا المشكلة فى

النجار يا محمد اشرف النجار

انت لية دايما بتقولى يا محمد واحنا لوحدنا؟

لانك مش بتحب تسمعة واحنا مع حد غريب ولان دة اسمك الى عرفتك بية

وكليم دة طوال عمرى مش بفهمة اصلا

ارتسمت على وجهك ابتسامة عريضة وتذكرت

---------------------------------------------------------------

بابا يعنى اية كليم الله

دة اسم سيدنا موسى ..انت مش عارف انة كليم ربنا

ايوة يا بابا بس فى المدرسة بيقولوى يا كريم مش يا كليم

هههههههه

مش بيعرفو ينطقوة بس

واحنا لية بنصلى ..

علشان ربنا امرنا بكدة

يعنى ربنا بيامرنا بكل حاجة ؟

ايوة يا كليم

يعنى ربنا هوا الى امرك تزعقلى امبارح لما لعبت كورة

لا يا حبيبى انا مزعقتلكش علشان كدة انا زعقت علشان مينفعش تلعب كورة

والاذان بياذن لما تسمع الادان انسى كل حاجة وصلى صلى وبس

----------------------------------------------------------------------
جلال

اسلام يا هلا يا هلا

ازيك يا جلال الحمد لله كيفك انت يا غالى

اية مستغرب

لا عارف انى هاقابلك بس بقالى كتير مجتش بنفسى ولا يوسف كمان

هوا جاى؟

اكيد

بنفسة

هههههههه لا باكرم فى ايدة

كمان

قولى بقى اية الاخبار كل شئ مظبط

كلة تمام بس ناقص شوية حجات بسيطة....

نشتغل عليها...

اكيد بس مستنى عمير

عمير الفلسطينى؟

ايوة
هوا فين

رفح
--------------------------------------------------------

يعنى اية ؟ انا هاتجند ازاى

اجابك ابيك وهوا يقطم طعامة ببطء دى نتيجة طبيعية يا جلال انت مواطن اسرائيلى

وانت حملت الجنسية البريطانية

ولكنى عربى عربى اليس كذالك

التفت اليك وهوا ينهى طعامة.. واين هم العرب اساسا
---------------------------------------------------------

قربنا

اكيد ما انت طاير تقريبا

مش بالظبط احنا ماشيين بسرعة مناسبة بس انت الى سرحان

لا بس بفكر

فى اية

فى كل حاجة انت مش فاكر احنا كنا اية وبقينا اية؟

لا فاكر طبعا

انت مش بتزور جدك لية

جدى
-----------------------------------------------------------------

خش يا محمد اتفضل

حاضر يا جد

اقتربت منة لازالت تذكر ذالك اليوم للغاية ..

الاضائة لون الارضية جلبابة وعبائته عصايتة المزينة بحجر لا تعلم اسمة

الجميع وقف عندما خطا داخل الغرفة الجميع حتى عمك الذى يرهبة الجميع

اطفاء سيجارتة كطفل صغير

اقتربت منة كما تعلمت ولقنك عمك طوال اليل

اقتربت ولكنك لم تفعل مثلما امروك لم تقبل يدية بل فقط حييتة بما يصح من رجل لرجل

عندها ابتسم ابتسم وبشدة

وبرغم الموقف المهيب وصوت القران الجليل وابيك الذى توسد التراب منذ ايام

الا انك تذكر كلمتة للغاية

الى خلف ماماتش اقعد جمبى

-------------------------------------------------------------------------

انت مش بتعيط لية؟

نعم
انا خايفة عليك يا يوسف بجد خايفة عليك اوى مش بتعيط

واعيط لية؟

علشان ابوك

ابويا راجع يا فيروز صدقينى كلهم كدابين اكيد راجع بابا كلمنى بليل

لا اله الا الله

يووووووووة

كلكم فاكرنى مجنون كلكم كل ما اتكلم لا اله الا الله يا حرام كان كويس

اية انتم الى اغبياء كلكم اغبياء كلكم انا عارف بابا وبعدين هوا متعود يسافر كتير

هايرجع صدقينى...

لم تملك الا ان تصمت وتردد

ان شاء الله

ولكنة ابدا لم يعود
------------------------------------------------------------------

اية دة

دى بندقيه نصف الي

M16 A2

عيار 5.56 مم دى النموزج الى بيتقاس علية اى نص

الى فى العالم لحد دلوقتى يا باشا

يا سلام

صدقنى دى احسن بندقية نصف الية للحراسة بتاعت سعادتك

دى عيار كام

نعم

كالعادة ولا هوا فاهم فى سرك رددتها

دى عيار :5.56 ,طولها : 1006.6 مم سعة خزنتها 30 طلقة

ودى عينة فى منها 200 حتة لو عايزها

اكيد بس لو تستريح علشان نتكلم

انا مستريح كدة

انت نسخة بالكربون من جدك تعرف دة

لا, بس حضرتك مبلغتينش

هابلغك

والسعر

السعر متحدد يا باشا ...

انا جاى اوريك نسخة بس اه صحيح نسيت انا معايا هدية ليك هدية اية

البارتة الى حضرتك طلبتها

ودى برة الشغل دى هدية تعارف منى انا

نظر اليك وصمت
----------------------------------------------------------------------------------------

واخش كلية اقتصاد وعلوم سياسية لية ..؟

انا مش بحبها طوال عمرى عايز اخش اعلام ومجموعى جايبها لية لا

لان انت مش هاتبقى صحفى صايع كل يوم بيدور على خبر انت ناسى انت من عيلة مين

لا مش ناسى وكمان مش ناسى يا ماما انهم هما الى اتخانقو مع بابا زمان وانك مش بتحبيهم

بس

هنا تخرس علاقتى مع جدك ملكش علاقة بيك واية الى بتعملة دة

مشروع اية الى بتعملة دة

عرفتى منين

عرفت وخلاص

محل لعب يا عيل

نظرت فى الارض وابتسمت

دة شراكة مع شيرين وسيف

شيرين؟

شيرين منسى

ايوة

وفيروز عارفة

لا عادى يا ماما دة شغل

وفيروز

لا فيروز

ايوة

فيروز احنا جيران

فعلا

امام ابتسامتها الجميلة اعترفت عيناك بكل شئ بكل شئ


هناك 28 تعليقًا:

The Groom يقول...


مقدرتش أكملها

تحياتي لك من ماناساس البلد

Abo El Fadl يقول...

عادة لا أقرأ بوستات طويلة لكن البوست ده كملتوا!!شكراً على الكلام الحلو:)

david santos يقول...

Hello, Elgazaly!
Thanks for your posting and have a good day,

None يقول...

بعيدا عن البوست

كل ما ادخل مدونتك عشان اقرا اخر بوست ..الاقي نفسي بامسك حاجه تانيه فيها اقراها .. مرة جيفارا ومرات اجزاء الروايه ..والاقي نفسي بطلع من البلوج دا علي التاني وفي الاخر ما اسبش تعليق .. بصراحه ببقي عامله زي اللي اكل اكل كتير بيحبه لحد ما شبع ومابقاش مستوعب حاجه تانيه

المرة دي بقي قررت اني اكتب الكومنت قبل مااندمج واقرا البوست

هاقراه وارجع تاني

تحياتي

صاحب البوابــة يقول...

خبر عــــاجل

ألف ألف مبروك

تم فجر يوم الثلاثاء 2 أكتوبر 2007 م الافراج عن شيخ المجاهدين أبو الفتوح شوشة 86 عاماً

ومما هو جدير بالذكر أن الإفراج لم يتم إلا بعد تدهور حالة الشيخ الصحية تدهوراً خطيراً

بعد إصابته بجلطة قلبية مفاجئة وهو قيد الإعتقال في محبسه

جعله الله في ميزان حسناتك يا شيخي العزيز

------------

جاري التحديث

ما علينا يقول...

انا منتظرة

ارنو لمعرفة يوسف كاملا

منذ فجر ميلاده

خاصةلحظة الميلاد
وكانت داخل من

كليم ام محمد

ذو النون المصري يقول...

اعجبني في الجزء الجديد الحوار مع الطفل و توضيحه للطريقه التي يفكر بها الاطفال
و معلوماتك عن السلاح ومقاساته و عياره
و ايضا
مشكلة تجنيد الفلسطيني في جيش الاحتلال بجنسيه اسرائيلي
...........
لازلت في انتظار يوسف المصري

رفقة عمر يقول...

كل سنه وحضرتك طيب
عيد سعيد عليكم وعلى الاسرة
ورزقكم الله القبول اللهم امين

carol 2002 يقول...

كل عام وانت بخير
تحياتى لك
و لكتاباتك
و لوضع موسيقة نصير

أحسنت الاختيار
بالتوفيق
:)

Jana يقول...

كل سنة وحضرتك طيب

لى عودة ان شاء الله لقراءة ما ابدعته الفترة السابقة

دمت طيبا

ذو النون المصري يقول...

كل عام انتم بخير
تقبل الله منا ومنكم طيب القول و صالح العمل

shayma يقول...

انا قريت وبجد عاجبانى مش هكدب عليك نطك من مشهد لمشهد كده كان ملغبطنى بس مفضلتش ملغبطه كتير
بجد حلوة اوى ونفسى اعرف الباقى شدانى جدا بجد ربنا يوفقك
وكل سنه وانت طيب
:))

وينكى يقول...

طوييييييييييييييله
حاسه انها لو اتشافت هاتبقى احسن
بس الاسلوب عاجبنى
كل سنه وانت طيب

gohayna يقول...

كل عام وانت بالف خير يا غزالي

انت فين يا ابني

هو البوست عشان دسم اوي وكتير هتغيب شهر كامل بعدها

ما تظهر بقي

تحياتي

dr.Roufy يقول...

اسلوبك فعلا سلس..ونابض

استمتعت بقراءته كثيرااااااا

عاليا حليم يقول...

عجبتنى النهاية الأبتسامة قالت كل شئ

و عجبنى أوى لما كليم سأل باباه : هو ربنا أمرك تزعقلى ؟

أسلوبك تلقائى و جميل
تحياتى

كلمه يقول...

ana 3yz (elshaware3 7awadeet) same3 3anha kteer ...w mkasara eldonya :D

PS : lsa ma2aretsh elposts elgdeeda de ... 3yz rawa2a shwya

Nani يقول...

السلام عليكم
شكرا لزيارتك لي في المدونة
اكثر ما اعجبني هو الحوار بين الطفل وابيه
:)

رفقة عمر يقول...

السلام عليكم استاذ غزالى
اخبار حضرتك ايه نتمنى تكون فى احسن حال
اللهم امين يارب العالمين

وينكى يقول...

ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

Night Whisper يقول...

هاى انا نايت ويسبر
من فترة اعتزلت عالم المدونات لكن رجعت من تانى

واسعدنى ان اول ندزنة ادخلها عند حضرتك

انا بقة مش قريت البوست الاخير

انا من الجزء الاول وشديتنى جداا

تسلم ايدك

ذو النون المصري يقول...

الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................

yasmina يقول...

كل عام وانت بخير

عيد سعيد
ويجعلك ربي من عواده

وينكى يقول...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا

عاليا حليم يقول...

انت فين يا حضرة الأديب ما تطمنا عليك

كل سنة و انت طيب بمناسبة السنة الهجرية و الميلادية

malak يقول...

يمكن طويلة بس بجد انا كان عندى اصرار انى اكملها كلها كلها لان البوست بجد حلو

بس انت فينك ايه الغيبة الطويلة ديه

تحياتى

qwert anime يقول...

بوست طويل بس يستحق

barb michelen يقول...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is