اخر ما كتبت على مدونتى الثانية
حيل الدفاع النفسى 2 يمكنك قرائته من هنا..

5/12/2007

العاشر

اعتذر عن عدم اتاحة الرواية لفترة

هناك 43 تعليقًا:

Nada يقول...

غزالي
انا وصلت لحد هنا
:
اليوم هو أول يوم فى مناقشة...................

و طبعا كالعادة بكيت ههه.....سأرجع للتكملة

دمت بخير يا ابو اسامة

سلام

zinab يقول...

.اختبار قوى من ربنا اتحط فيه اسامة .....ولكن تذكر الله فى اللحظة الحاسمة..ربنا بيحبه عشان

نجاه وكمان اخد القرار السليم ولمع نجمه فى عمله ..اتمنى انه يفضل على قوته كده

.شذى دى بقى تستحق اى حاجة تجرالها لانها افترت اوووووووووى واصبحت انسانة لا يكفى

الكلام فيها حتى مع صديقتها مرحمتش برضه ...ولسه موش مستكفيه برضه

.ندى انسانة رقيقة وحساسة موووووووووت رغم انها اتخطبت وبتستعد لجوازها وبتجيب

فستان الفرح كمان لكنى حاسة انها هتسيب خطيبها وهترجع لاسامة

.اما عصام بقى فمحيرنى معاه فعلا بحالته دى

ياترى الحال هيوصل لايه !!!!!

قوة تعبيرك عن المواقف يا غزالى ..لا استطيع ان اوصفها...ملهاش حل ...تحفة

انت بتعيشنا جوه الحالة...صحيح بتلففنا حوالين نفسنا لانك بتاخدنا فى جولات مابين المشاهد

بس روعة برضه

.:.-=- ELGaZaLy-=-.:. يقول...

ندى ازيك يا جميل يارب تكونى بخير

كالعادة بكيتى...دة انا نكدى بقى...


دمتى بخير يا جميلة ..ابو اسامة...

ربنا يكرمك

.:.-=- ELGaZaLy-=-.:. يقول...

زينيب

المتابعة دائما ...

اسامة يارب يفضل كدة لانة مينفعش عاه غير كدة اصلا


شذى ؟؟

دى شذى قمر

ندى ربنا يكرها...وانتى حاسة بكدة غريبة

مع انى مش حاسس بكدة خالص

عصام دة غريب فعلا انا معاكى

هوا مؤلف مجنون الى يكتب كل دة

ربنا يكرمك يازينب ....

انا قاصد ان العين تلف كدة علشان الملل الاجزاء طويلة بجد

صاحب البوابــة يقول...

كالعادة

رائع انت يا عزيزي

تصيغ من الكلمات صور بليغة

وتطوع حروفك لتصير فرشاة ترسم بها ما شئت من مشاهد

بصراحة اعجبني البوست للغاية

تحياتي اخي

ذو النون المصري يقول...

الله
جميل جدا كلامك يا استاذ غزالي
انا حاسس بيه كانه جدول ماء يترقرق و ينساب بسهوله و حشائش رقيقه تبين من تحت ماء الجدول النقي تبدو في غاية الجمال
اسئله فلسفيه رائعه اعجبتني في القصه
هل للمعصيه حلاوه كحلاوة الايمان؟
يبدو ان الضمير عندما يحترق ياخذ معه كل شيء
جميله جدا هذه الكلمات
و التعبير عن الضمير بالاحتراق تعبير ممتاز جدا
تحياتي الغاليه لاغلي صديق و اتمني ان يوفقك الله ككاتب من كتاب الدراما المصريه و تسير علي خط سير عظماء مثل اسامه انور عكاشه
تحياتي

LAMIA MAHMOUD يقول...

في البداية حسيت البوست طويل اوي وكنت ناوية اختصر لقطات عشان اقدر افهم المضمون واوصل للاخر بس لقيتني مش عارفة افوت حاجة وقريته على يومين .. وده بس لاني مش من هواة القراية على الشاشة اوي

بجد جميل جدا كمية من الحالات الانسانية المختلطة والمتضاربة

كده ابتدي اؤكد انك دكتور نفسي فعلا:)
بتلمس ادق التفاصيل اللي بين الانسان ونفسه واسلوبه في التعبير عنها بطرق لا تمت لها باي صلة

.:.-=- ELGaZaLy-=-.:. يقول...

صاحب البوابة اتمنى تكون بخير يارب

وياريت تقراء الاجزاء القديمة هاتفرق معاك جدااا فى فهم القصة وشكرا على المجاملة الرقيقة ربنا يكرمك

.:.-=- ELGaZaLy-=-.:. يقول...

ذو النون الحبيب والله وحشتنى

وانت الجميل يا جميل الخلق

وبعدين يا عم اجى انا فى تعبريباتك الحلوة دى بس جودل وماء نقى وحشائش رقيقة دة انا غلبان جمبك للاخر يا استاذنا وكالعادة طرقت اللاسئلة التى تروقنى

يارب يا ذو النون بس اسامة انور عكاشة كبير اوى دى خلينى على قدى يا

عمنا

تحياتى من القلب

.:.-=- ELGaZaLy-=-.:. يقول...

يا سلام لمياء هانم شخصيا هنا احمدك يارب

وكنتى ناوية تغشينى يا لمياء انا بقصد اعملة طويل هتقوليلة بتقصد لية هقولك ولا اعرف بس دايما الكتاب الكبار بيبقوا مجانين كدة وبيقصدو حجات احنا منعرفهاش وعلى يومين

وانا كنت فاكر انك الامل فى شباب الغذد الواعد

وربنا يكرمك على المجاملة دى يا لمياء

والله انا لسة بشك انى دكتور اصلا لانى درست كمية حجات مختلفة

تحياتى

صاحب البوابــة يقول...

الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...

البوست بعنوان

أن تكون أبو الفـتــــــــوح شوشــــة

حملة الإفراج عن شيخ المجـاهدين :

في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

أن تكون أبو الفتوح شوشة فهذا معناه ألا يرحموا شيبتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...





الروابط :

مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html

مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm

تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1

ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf

جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

Diyaa' يقول...

شايف مشروع كاتب جميل ..مش عارف في غلطات املائية بسيطة مش عارف هيا كيبورد ولا إيه
المهم...انت تركيزك كتير جميل ..وأنا مستني النهاية ..عاجبني فيك إنك بتلقط تفاصيل انسانية جميلة
مستني النهاية
تحياتي وأكيد هاجي هنا بس هاخد وقت عشان أقرا البوست وأعلق عليه..لأني ساعات بقرا علي مراحل :(

.:.-=- ELGaZaLy-=-.:. يقول...

ازيك يا Diyaa' يارب تكون بخير

ربنا يكرمك انا بغلط غلطات املائية قاتلة ربنا يكرمك يارب ابقى قولى عليها وكدة ربنا يكرمك لا خد وقتك فى القارة خالص
شرفتنى يا Diyaa'

غير معرف يقول...

يبدو انه قد فاتني الكثير والكثير
بجد يا غزالي رائع
رغم انك غبت كثيرا لتصل الجزء العاشر بنا
وكعادتك في روايتك الفلسفية
اضفت وعبرت واجدت
تجية لك علي مجهودك الرائع وفكرك المحترم
اعجبني جدا جدا العاشر كما اعجبني ما سبقه
دمت بخير واتمني المزيد سريعا
mn-majhool

صاحب البوابــة يقول...

مررت لأرى جديدك

فأين هو ؟؟؟

البتاع يقول...

احم

عندى احساس غريب ان انا الغبية الوحيدة اللى فى الليلة كلها
...ممكن
اقول انى تهت منك؟؟

بس الكلام بغض النظر عن غبائى شكله جامد يعنى

تحياتى حقيقى

نمنماية يقول...

بصراحة مش قادرة اصبر علشان اعرف النهاية
يا ريت متتأخرش في تكملتها
لانها جميلة و مشوقة جدا
و طريقة السرد و تقطيع المشاهد بتخلي الواحد مشدود حتي يصل لنهاية

Hannoda يقول...

أول مرة أجيلك ولقيت عند كمية مش طبيعية من الإبداع و المشاعر

لقيت كمان مشاعر كتيير من الغربة .. وأنا الغربة ملياني وكلامك عنها مسّني قوي

لقيت كمية شوق لمصر صحّى أشواق ضعف اللي جوايا

لكني سعيده بكل ده

أنا مكملتش.. لكن اللي قريته لحد ما وصلت بهرني وبحييك على إبداعك

أكيد حاجي تاني كتير
:
تحياتي

bocycat يقول...

حكايات جميلة جدا بس عايزة اقولك ان كل حكاية منهم كانت محتاجة بوست لوحدها لأن كل واحدة بتاخدنى لمود مختلف عن التناى عشان كدة ركزت فى كام واحدة بس وعجبتنى جدا وعقبال ما أقرأ الباقى اصل مش بحب اشتت مودياتى .. تحياتى وسلامى

Bride Zone يقول...

انا ما انتبهتش ان القصة عبارة عن اجزاء وانا بديتها بقراءة الجزء العاشر..

طويلة اه بس حلوة واسلوبها مشوق وفيها وصف جميل جدا لحوار النفس..

الف تحية وبانتظار التكملة

ammola يقول...

بتسكت كتير اوى يا غزالى...

linda يقول...

تنوع رائع يلمسنا ويلمس رهف مشاعرنا

لن أعقب الأن فلازال ينقصني الكتير لأقرأه بمدونتك


مني لك كل التحية

.:.-=- ELGaZaLy-=-.:. يقول...

العزيز صاحب البوابة عفوا انا لا استقر الا ايام معدوة
اعدك حينما اعود الى وطنى سوف انهى تلك القصة ان شاء الله

.:.-=- ELGaZaLy-=-.:. يقول...

لا لم يفتك الكثبر ولا شئ يا استاذى المجهول
اتمنى ان تعجبك النهاية لانها قلب القصة تحياتى اليك يا
طيب

.:.-=- ELGaZaLy-=-.:. يقول...

هههههههههههه

البتاع ازيك؟؟

يا ستى ولا غبية ولا حاجة انتى بس كنتى فكراه بوست بس طلع قصة بس كدة

اكيد تهتى لانك لا تعرفى اسامة ولا شذى ومين دول اصلا بالنسبالك!!

يا سيدى انت الى مرورك جامد حقيقى


تحياتى

.:.-=- ELGaZaLy-=-.:. يقول...

ازيك يا نمنماية ...يارب تكونى بخير

انا كمان مش قادر اصبر علشان اكملها بس تخيلى انا بكتبها ب120 طريقة ولا واحدة بتعجلنى وفى الاخر بكتبها لوحدى وبتعجبنى ازاى ولا اعرف

ربنا يكرمك شكرا على المجاملة الرقيقة دى ربنا يكرمك

.:.-=- ELGaZaLy-=-.:. يقول...

ازيك يا Hannoda

يارب تكونى بخير ...شكرا ربنا يكرمك يارب دة من زوقك بس الغربة ملينا


همممممم يارب تكملى ولو عايزة تفهمى القصة اقريها من الاول هاتعجبك ان شاء الله

.:.-=- ELGaZaLy-=-.:. يقول...

\

ازيك يا بوسى يارب تكونى بخير

اكيد بس اصلها قصة واحدة يا بوسى ازاى بقى افرق بينهم؟؟
كويس انك ركزتى فى كذا واحدة ويارب يكونو عجبوكى تحياتى اليكى ايضاء

.:.-=- ELGaZaLy-=-.:. يقول...

ازيك يا ... Bride

يارب تكونى بخير

لا عادى ناس كتير بيبداؤ من النهاية ...يارب يكون عجبك بس

ربنا يكرمك يارب
تحياتى اليكي ايضاء

.:.-=- ELGaZaLy-=-.:. يقول...

ops
ازيك يا امل معلش المكالمة كانت صدمة

بس اوعدك مش هاسكت تانى

.:.-=- ELGaZaLy-=-.:. يقول...

ازيك يا linda يارب تكونى بخير

ربنا يكرمك على المجاملة دى ويارب تكون عجبتك بجد...تحياتى اليكى ايضاء

ya_fa يقول...

طبعا لا شك ان القصة جميلة فعلا واللى بيقرى بيتعايش معاها بشكل غريب..
وانا من اشد المتابعين ليها ومستنية نهايتها بفارغ الصبر..

بس انا معجبنيش وجود شخصية راشيل فى القصة وكمان مشهدها معلش مكتوب بمبالغة شديدة...يعنى اعطيته فى الكتابة اكثر من حقة ..ادانى احساس بالظبط زى ما يكون الواحد بيتفرج على فيلم عجبه جدا وفجأة ظهر مشهد هو محبوش ...يعنى دى وجهة نظرى لكن مبتقللش من اعجابى بالقصة ...يمكن لانى توقعت ان وجود شخصية زى دى هيأثر فى القصة من زاوية تانية لانه كان متوقع جدا انها تكون يهودية...فقلت هتبقى مسألة تتعلق بحب الوطن وكدا..مفرقتش كتير لانها فى الاول وفى الاخر خيانة...بس مكتوبة بمبالغه فعلا...

متابعة...وفى انتظار النهاية شدة

.:.-=- ELGaZaLy-=-.:. يقول...

السلام عليكم ...

السيد او السيدة ya_fa

طبعا برضة لا شك انى فرحان جداا بانك متابع القصة ومعجب بيها بجد شكرا جداا
كلامك الجميل دة والله وانا مستنى اى فرصة اخلصها بقى

والله ولا انا عجبنى مشهد راشيل برضة يمكن بعد ما اتكتب اتخنقت منة بس لو رجعت باقى الجزء هتلاقى ان وجودها اساسى وان كان بيفتقر روح باقى الاجزاء صح يمكن انت صح ويمكن علشان كدة انا حاسس انة لازم يتقلل وفيلم اية بس ربنا يكرمك يارب دة انا على قدى خالص لا خالص اعرض وجة نظرك براحتك بس انا اول مرة اشوف حضرتك بتعلق يمكن علشان كدة فرحان .هممممممم

وهوا كان هيعمل كدة بس لقيت هايبقى فى الامر مبالغة شوية وعادة خالص ...وربنا يكرمك يارب
ابقى على متابعتك ..والنهاية قريباااا


دعواتك

ya_fa يقول...

انا مش اول مرة اعلق كنت بعلق بس من غير ما اقول انا مين.....وتوقعت هتعرف انا مين لما كتبت
ya_fa
انا متابعه من الاول وقرات الجزء العاشر تانى ...يس بردو مش عارفه....
:)
عادى عادى كمل مستنين الاخر بشدةةةةة
وياعم انت قدها وقدود

غير معرف يقول...

ربنا يوفك زى ماانت عايز يا غزالى وتبقى زى الشخصيه اللى فى بالك وفى بالى ومتغبش فى النهايه واتمنى تكون حلوة ومش نكد علشان مش بحب النكد قوى خاصه مع الشخصيات اللى انا بحبها ومتعاطفة معاها بااااااااااى

maha يقول...

سلام عليك يا غزالي
ملحقتش افرح .......يعني النت رجع و الامتحانت خلصت و برضه مفيش فايدة ..القصة لسه مخلصتش
........
يا رب اعمل ايه بس
بالله عليك خلصها بقي يا غزالي
:)

المهم تحليل بقي
اسامة و البنت اليهودية ...برضه لسه مستعجبة هو مكانش عارف من اسمها انها يهودية ...حساها مش مقنعة ..ممكن لو كنت غيرت الاسم كان يبقي اوقع شوية

وصفك لحالتهم سوا وصف تصويري هايل اوي حسيت اني شايفاهم و التغيير اللي حصل في مشاعر اسمه حسيت بانه فعلا بقي من حالة لحالة تانية خالص
ممكن من اصغر الامور يتحول التفكير و حالة الانسان للنقيض و ده اللي حصل معاه
لكن فرحت جدا انه لقي حلاوة الايمان من جديد و اتمنيت اوي ان كل واحد مننا يحس بيها
.....
شذي ...حاسة انها من كتر اللي عملته و من كتر طموحها الزائد انها بتنهار
حتي لو بتنجح في حياتها العملية الا انها كانسانة بتتحرق من جواها و لا يتبقي الا مظهر خارجي في اي لحظة سيتبخر
.....
عصام هو اللي حسيت ان شخصيته بالرغم من قوتها الا انه بدا يتهز ..خوف احيانا و احيانا من حب
فرحت ان الحمد لله اتجوز ..كنت قلقانة من شغله انه يبعده عن انسانيته
........
بجد اعصابي باظت بقي
بليييييييز الجزء الاخير
و بعدين رواية تانية جديدة
ماشي ؟؟؟
:)

سلام
مها

.:.-=- ELGaZaLy-=-.:. يقول...

ya_fa


نورتنى انا تاية بس شوية انا برضة معرفتش غباء منى بقى ...اعذرينى


ربنا يكرمك يارب انا كدة او كدة بعد ما هاخلص هكتبها تانى اصلا...

ربنا يكرم ومنورانى يارب بس تعجبك النهاية

.:.-=- ELGaZaLy-=-.:. يقول...

السلام عليكم ورحمة الله وبركاته

ازيك يا صديقتى العزيزة يارب تكونى بخير

يارب يوفقنا سوا واشوفكى برضة زى ما تتمنيلى اعتقد انا غبت فعلا

وان شاء الله مش هاتبقى نكد

.:.-=- ELGaZaLy-=-.:. يقول...

وعليكم السلام ورحمة الله وبركاتة ازيك

يا
maha


حاضر يا مها هاتخلص قريب اوى


انتى صح انا شايل اجزاء كتير يمكن دة بان اوى فى كلامى ...
ربنا يكرمك فعلا هوا الشخص ممكن يتحول فى ثوانى لو افتكر حاجة تعصمة
ربنا بيقف جمبك

بالنسبة لشذي انتى صح جدا

بالنسبة لعصام لسة مخلصش اصبرى
هههههههههههه

ان شاء الله قريب

واحدة من الناس يقول...

سيدى العزيز
لا أستطيع بكلماتى الطفوليه التافهه أن أوصف لك مدى استمتاعى بقصتك وأسلوبك الجذاب وقدرتك الفائقه فى تطويع الكلمات والتشبيهات أبحرت معك وما انتظرت شاطئا ولكنى أظن أن استمرارى فى القراءه هو خير دليل واثبات على مدى استمتاعى بكلامك
أحييك:)

~ Bato0ot ~ يقول...

ana ba2aly aktar mn sa3a reading kol el agza2 .. raw3a raw3a .. kaza mara i cried kesa raw3a .. 7abet nada bgd
krehet shaza fe3ln!!!
bas khaled da hyb2a ekhtebar sa3b awy ... ana mstnya bgd ,, besor3a

.:.-=- ELGaZaLy-=-.:. يقول...

شيماء يا جميلة ازيك

مين قال ان كلماتك طفولية على العكس

وربنا يكرمك على كلامك الجميل دة

انا الى مسمتع جحدااا بردودك الجميلة

.:.-=- ELGaZaLy-=-.:. يقول...

Bato0ot ازيك يا جميل

ربنا يكرمك يارب انتى الى رائعة واسف على دموعك ...
ندى شخصية نقية فعلا ...


شذى يمكن تستاهل الاشفاق اكتر من الكرخ

اختبار صعب جدااا

على بليل باذن الله